Marcos 2:13 - Porciones del Nuevo Testamento

¹³ Maʉ̃ tẽã do jedꞌea õbꞌʉidꞌu Jesús wakusa wãpe zhãrã izhima zebʉsita ũrãgꞌasia.

Marcos 2:13 Referans Kwoze

Marcos 4:1

Jesús wakusa miã ũrãgꞌasia do jedꞌea õbꞌʉ maẽ doya. Izhira zhãrã bioba bʉredrʉsidꞌa, mawũẽ jãbadꞌe edꞌa wãpe do jedꞌea õbꞌʉ maẽ jãbadꞌe jewedꞌasia. Waya zhãrã kꞌobꞌera nʉmesia doya.

Lucas 21:38

Diapedꞌara zhãrã jõma izhima ze bꞌeasia izhi ũrãgꞌata ũrĩnaĩta Daizeze dedꞌa ewara maẽ.

Lucas 19:48

Mawũãmina kꞌawuadꞌa ẽbasia sãwũã beadꞌaita, jõmaʉ̃ba izhi bedꞌeara kĩrãkuita ũrĩ bꞌeba.

Marcos 2:2

Aramaʉ̃ta bio bʉredrʉsidꞌa, mawũẽ aradꞌa ẽbasia miã puerta ãĩ bidꞌa. Maʉ̃nerã Daizeze bedꞌeata jarakꞌasia.

Marcos 1:45

Mawũãmina izhira wãpe izhi sãwũã bꞌebʉrʉta jõmaʉ̃ã jarasia. Mawũẽ Jesús ya baridu pʉwʉrʉdꞌe dajada edꞌa wã bꞌe ẽbasia, maʉ̃neba ãĩ miõ ne ẽã maẽ chubꞌe bꞌasia. Mawũãsiidꞌu baridu maẽba zhãrã izhima ze nʉmasia.

Mateo 13:1

Jari ewadera Jesús dedꞌauba wãpe do jedꞌea õbꞌʉ maẽ doya jewedꞌasia.

Mateo 9:9

Jesús mamaʉ̃ba wãbʉrʉdꞌera ũdusia Mateo abadata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 10:1

Mama Capernaúm pʉwʉrʉdꞌebara Jesús wãbʉrʉta, Judea druaedꞌa wãsia do Jordán kĩrãrẽ. Mawũẽ zhãrãbara izhira wakusa bʉredrʉsidꞌa, mawũẽ wakusa miã ũrãgꞌasia izhi bꞌʉ kĩrãkꞌa.