Marcos 16:16 - Porciones del Nuevo Testamento

¹⁶ Mʉnebemata ĩjãpe buru kꞌoebʉrʉra ẽdrʉya, mawũãmina zhi ĩjã ẽãrã aduaya.

Marcos 16:16 Referans Kwoze

Juan 3:36

Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Juan 8:24

Maʉ̃ba mʉã marãã jarabʉrʉa marã mazhi kꞌazhiruadꞌe beukuaita, Mʉrã Mʉta ĩjãna ẽbʉrʉ mazhi kꞌazhiruadꞌe beukuaya.

Juan 6:29

Mawũãnaĩ Jesúsbara panaʉ̃ mawũãsia: Marãba kꞌãrẽ Daizezedꞌeta odꞌaira, ĩjãũdua mʉ izha zokꞌadꞌata.

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 6:35

Mawũãnaĩ Jesúsbara mawũãsia: Mʉta panta Daizeze ũme bꞌai jõ ẽãnebema, mʉma zebʉrʉra maʉ̃nebemanerã jarrakꞌa baya, mʉnebemata ĩjãbʉrʉra aramaʉ̃ne obisiakꞌa baya.

Marcos 1:15

Maʉ̃nerã mawũãsia: Ewarira arabata Daizezeta Nokꞌodꞌebema kꞌaita basia. Mawũẽ kꞌazhiruara ãmape Daizezeta pẽwãũdua, izhidꞌebemata ĩjãũdua bedꞌea biata.

Hechos 22:16

Mawũẽ ¿bʉra kꞌãrẽã pi kꞌobꞌaipe? Piradrʉrua, buru kꞌoedua, bʉra kꞌazhiruata biodꞌebara bedꞌea ne ẽã bꞌʉmarẽã izhaa jaradua.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Lucas 8:12

Ne ta pobʉrʉdꞌe odꞌe bꞌaedꞌara zhi ũrĩbadata maʉ̃ã. Mawũãmina ãtõmiãta zepe bedꞌeata ãzha ũrĩnata ãĩ eda bꞌʉa ãzhi sodꞌeba, ĩjãbʉdaba ẽdrʉdꞌa ẽbamarẽã.

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Hechos 13:39

Moisé ũrãgꞌadꞌebara bedꞌea ne ẽã duane bꞌe ẽãta, Jesúsdꞌebara bedꞌea ne ẽã duaneña jõma izhidꞌebemata ĩjãbʉdara.

Romanos 4:24

Awuarabʉrʉ dazhirãsidꞌa abꞌarika bedꞌea ne ẽã duanukꞌãrĩã dazhirãbara izhidꞌebema ĩjã bꞌeba beudꞌata piradrʉbidꞌata Jesús dazhirã Nokꞌota.

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Romanos 3:6

¡Mawũã ẽã! Daizezeta biata bꞌʉ ẽbʉrʉ, ¿sãwũã kꞌawua oipe ẽjũãne zhãrã bꞌera?