Marcos 16:15 - Porciones del Nuevo Testamento

¹⁵ Mobe mawũãsia: Ẽjũã jõmaʉ̃ maẽ wãũdua, aramaʉ̃ne bedꞌea biata mʉnebemata jõmaʉ̃ã jaraudua.

Marcos 16:15 Referans Kwoze

Mateo 28:19

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba.

Marcos 13:10

Bedꞌea biata mʉnebemata ewari nʉmʉ jõĩ nawedꞌa nokꞌorãã chãbꞌaridꞌaita edebʉdadꞌera jaradꞌaibara zhãrã jõmaʉ̃ã.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 20:21

Mawũẽ Jesúsbara wakusa mawũãsia: ¡Kʉa, marã adu-a bꞌeaudua! Mʉ Zezeba mʉta zokꞌadꞌa kĩrãkꞌa mʉãbidꞌa marãta zokꞌaya.

Romanos 16:26

Mawũãmina idꞌibai kꞌawuabisia, aramaʉ̃ne izha bedꞌeata jarabibarirãba jaradꞌapeadꞌata zhi bꞌʉmaneba, izhi Daizeze bꞌai jõ ẽã bꞌʉ ũrãgꞌadꞌeba zhãrã jõmaʉ̃ã kꞌawuabi nʉmʉã aribꞌaedꞌamarẽã Jesucristodꞌebema ĩjãĩrã.

Romanos 10:18

Mawũãmina mʉã widꞌiya: ¿Maʉ̃ bedꞌeara judíorãbara ũrĩna ẽbasika? Wãrãnebai ũrĩsidꞌa. Maʉ̃ẽnabemata zhi bꞌʉmata mawũã bꞌʉa: Izhidꞌebemata drua jõmaʉ̃ maẽ jarasidꞌa, drua wawaraidꞌu jarasidꞌa izhi bedꞌeara. (Salmos 19:4)

Hechos 1:2

Daizezeba ʉ̃taa ededꞌabitabai jarasia. Ʉ̃taa wãĩ nawedꞌa Jawurebiadꞌeba jarakꞌasia izha zokꞌakuaita jʉrʉkuadꞌaba kꞌãrẽ odꞌaita.