Marcos 15:19 - Porciones del Nuevo Testamento

¹⁹ Bakuruba tawe jirpanesia buruma, dau idꞌo jirpanesia, sãkꞌokꞌodꞌe kꞌobꞌe jirpanesia wawiabʉda kĩrãkꞌa.

Marcos 15:19 Referans Kwoze

Marcos 14:65

Aramaʉ̃ne ʉ̃kʉrʉbara dau idꞌo jirpanesia, kĩrã pãrĩnape jirachi jirpanʉta mawũãsidꞌa: Ari maẽ jaradua kꞌaiba jirachita. Daizeze de akʉbadabidꞌa tachi jirpanesia kĩrãma.

Romanos 11:4

¿Mawũãĩ Daizezebara mawũãsi ẽka?: Mʉãrã mʉĩta nʉmʉkꞌãrĩã ũmakĩrãrã siete mil, ãzhira sãkꞌokꞌodꞌe kꞌopanekꞌa Baal ne zhi zromane erubꞌe kĩrãbitara.

Lucas 23:36

Soldaorãbidꞌa ãzhima sewakꞌau bꞌʉdꞌeba orradꞌape ne oregueata diabʉdata,

Lucas 23:11

Mobebʉrʉ Herodebara soldaorã izhidꞌe bawarauba kꞌãrẽ ẽãne edabʉdata ãzhima sewakꞌau bꞌʉdꞌeba reyba jʉ̃bari kĩrãkꞌa wua kĩrãwãrẽãta jʉ̃bisidꞌa, mobe wakusa edebisidꞌa Pilatoma.

Lucas 22:63

Soldaorã Jesús akʉ erukꞌopanʉbara ãzhima sewakꞌau bꞌʉdꞌeba jirachi jirpanesia.

Marcos 10:34

Mʉrã ãzhima sewakꞌau bꞌʉdꞌeba udꞌaya, dau idꞌodꞌaya, aramaʉ̃ne beadꞌaya, mawũãmina ewari ũbeadꞌe beudꞌata piradrʉya.

Marcos 9:12

Mawũãnaĩ Jesúsbara panaʉ̃ mawũãsia: Elíara wãrĩnu naara zeya, mobe ne jõma araa oya. ¿Zhi bꞌʉma ẽka mʉ Beubari Bape bꞌʉra biodꞌe zuburiai barata, seribidꞌa ẽbaita?

Mateo 27:30

Mobe dau idꞌo jirpanesia, abꞌaʉ bakuruba tawe jirpanesia buruma.

Marcos 15:18

Mobe mawũãsidꞌa: Kʉa, judíorã Rey.

Marcos 15:20

Ãzhima sewakꞌau bꞌʉdꞌeba mawũã jirpanape wua granatera wẽãsidꞌa, mobe wua izhidꞌeta jʉ̃bidꞌape edesidꞌa cruzdꞌe kꞌachidꞌaita.