Marcos 14:72 - Porciones del Nuevo Testamento

⁷² Maʉ̃ daucha gallo berusia beruma ũmeta. Mobebʉrʉ Pedrobara bude basia Jesúsba mawũãnata: Gallota beruma ũme berui nawedꞌa bʉa mʉrã ũdukꞌata jarama ũbea jaraya. Maʉ̃ta krĩchape Pedro jẽgasia.

Marcos 14:72 Referans Kwoze

Marcos 14:30

Mawũãĩ Jesúsbara mawũãsia: Mʉã wãrĩnu bʉaa jaraya: Nane diamase gallo beruma ũme berui nawedꞌa bʉa mʉrã ũdukꞌata jarama ũbea jaraya.

Marcos 14:68

Mawũãĩ izhara merãbʉrʉta mawũãsia: Maʉ̃ mʉãrã ũdukꞌa, mʉãrã kꞌawua ẽã bʉa kꞌãrẽ jara kꞌobꞌʉra. Mawũãpe edꞌa zebadaidꞌu wãbʉrʉdꞌera gallo berusia.

Lucas 22:62

Mawũẽ Pedrora ãĩ wãpe jẽgasia kꞌãbãẽã sopua.

Lucas 22:60

Mawũãĩ Pedrobara mawũãsia: Mʉãrã kꞌawua ẽã bʉa kꞌãrẽ jara kꞌobꞌʉra. Maʉ̃ daucha izhi wadꞌi bedꞌea kꞌobꞌʉdꞌe gallo berusia.

Mateo 26:34

Mawũãĩ Jesúsbara mawũãsia: Mʉã wãrĩnu bʉaa jaraya, naʉ̃ diamase gallo berui nawedꞌa bʉa mʉrã ũdukꞌata jarama ũbea jaraya.

Marcos 14:71

Mawũãnaĩ izhita wãrĩnu bedꞌea ẽbʉrʉ Daizezebara izhikꞌawua zuburia oya ape mawũãsia: Mʉãrã maʉ̃ ũdukꞌa marãba jara kꞌopanʉrã.