Marcos 13:10 - Porciones del Nuevo Testamento

¹⁰ Bedꞌea biata mʉnebemata ewari nʉmʉ jõĩ nawedꞌa nokꞌorãã chãbꞌaridꞌaita edebʉdadꞌera jaradꞌaibara zhãrã jõmaʉ̃ã.

Marcos 13:10 Referans Kwoze

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.

Romanos 10:18

Mawũãmina mʉã widꞌiya: ¿Maʉ̃ bedꞌeara judíorãbara ũrĩna ẽbasika? Wãrãnebai ũrĩsidꞌa. Maʉ̃ẽnabemata zhi bꞌʉmata mawũã bꞌʉa: Izhidꞌebemata drua jõmaʉ̃ maẽ jarasidꞌa, drua wawaraidꞌu jarasidꞌa izhi bedꞌeara. (Salmos 19:4)

Marcos 16:15

Mobe mawũãsia: Ẽjũã jõmaʉ̃ maẽ wãũdua, aramaʉ̃ne bedꞌea biata mʉnebemata jõmaʉ̃ã jaraudua.

Romanos 15:19

Mʉãrã ũdudꞌakꞌa zromata okuasia Jawurebia Daizezedꞌe zareadꞌeba. Aramaʉ̃ne Jerusalénneba Ilírico druaidꞌu jõmaʉ̃ã jarasia bedꞌea biata Cristodꞌera.

Romanos 1:8

Mʉã naara jaraira Jesucristodꞌeba mʉãrã Daizezea zhibia ji bꞌʉa marã jõmaʉ̃bari, marãba Jesúsdꞌebema ĩjã bꞌeta trʉ̃poa nʉmʉbari ẽjũã jõmaʉ̃ne.

Mateo 12:41

Daizezeba zhãrã kꞌawua obʉrʉdꞌera Nínive pʉwʉrʉdꞌe zhãrã bꞌeadꞌara beudꞌata piradrʉdꞌaya zhãrã idꞌi ewade bꞌe bawara, maʉ̃rãbara marã aduabimarẽã jaradꞌaya, maʉ̃ẽnabema ãzhara kꞌazhiruara ãmape Daizezeta pẽwãsidꞌa Jonásba Daizeze bedꞌeata jarabʉrʉba. Maʉ̃ne mʉ nama bꞌʉra audre zhi zroma Jonás kꞌãñabara.