Marcos 12:35 - Porciones del Nuevo Testamento

³⁵ Daizeze dedꞌa ewara maẽ Jesús miã ũrãgꞌa mawũãsia: ¿Ũrãgꞌa Moisédꞌe jarabadabara jara panʉka zhãrã Ẽdrʉbira rey Davidꞌeba uruta?

Marcos 12:35 Referans Kwoze

Mateo 26:55

Maʉ̃nerã zhãrã kꞌobꞌea Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? Mʉrã ewariza marã bawara jewedꞌa Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia.

Juan 18:20

Mawũẽ Jesúsbara panaʉ̃ mawũãsia: Mʉrã dajada bedꞌea bꞌasia zhãrã jõmaʉ̃ daidꞌu. Mʉrã baridua miã ũrãgꞌa bꞌasia de zhi jʉrebada maẽ, Daizeze dedꞌa ewara maẽ, judíorã jõma zhi jʉrebada maẽ, mʉãrã aramaʉ̃ne kꞌãrẽ chupea jara bꞌa ẽbasia.

Juan 7:42

¿Maʉ̃ẽnabemata zhi bꞌʉmanerã jara bꞌʉ ẽka rey Davidꞌeba ʉ̃tʉ zeita, aramaʉ̃nerã David Belén pʉwʉrʉdꞌebemata bꞌadꞌa maẽba ʉ̃tʉ zei ẽka zhãrã Ẽdrʉbiira?

Lucas 21:37

Jesús ewaridꞌera miã ũrãgꞌa bꞌasia Daizeze dedꞌa ewara maẽ. Diamasera wãpe chubꞌe bꞌasia kꞌatuma Olivo abada maẽ.

Lucas 20:1

Ewari abꞌa Jesús Daizeze dedꞌa ewara maẽ zhãrã ũrãgꞌa nʉmʉta bedꞌea biata jarakꞌa nʉmʉne zesidꞌa sacerdoterã nokꞌorãta, ũrãgꞌa Moisédꞌe jarabadata nokꞌorã bawara.

Lucas 19:47

Jesús ewariza miã ũrãgꞌa bꞌasia Daizeze dedꞌa ewara maẽ. Maʉ̃nerã sacerdoterã nokꞌorãba, ũrãgꞌa Moisédꞌe jarabadaba, nokꞌorãba bea krĩña bꞌeasia.

Marcos 11:27

Wakusa Jerusalén pʉwʉrʉedꞌa zekuape Daizeze dedꞌa ewara maẽ Jesús taidꞌe, izhima zesidꞌa sacerdoterã nokꞌorãta, ũrãgꞌa Moisédꞌe jarabadata, nokꞌorãta.

Mateo 9:27

Mamaʉ̃ba Jesús wãbʉrʉdꞌera, ũme daʉbꞌerrea panʉta kꞌaidꞌu taidꞌaba nemi jĩgua mawũãsidꞌa: Daira sozuburiarua bʉra rey Davidꞌeba uruta bꞌʉba.

Marcos 10:1

Mama Capernaúm pʉwʉrʉdꞌebara Jesús wãbʉrʉta, Judea druaedꞌa wãsia do Jordán kĩrãrẽ. Mawũẽ zhãrãbara izhira wakusa bʉredrʉsidꞌa, mawũẽ wakusa miã ũrãgꞌasia izhi bꞌʉ kĩrãkꞌa.

Marcos 14:49

Mʉrã ewariza marã bawara bꞌʉta Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia. Mawũãmina kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata.