Marcos 12:14 - Porciones del Nuevo Testamento

¹⁴ Mawũẽ maʉ̃rã zekuape mawũãsidꞌa: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, bʉra krĩcha zhãrãneã zhi edebi ẽã bʉara akʉ ẽbaera zhãrãnebemata. Awuarabʉrʉ wãrĩnuta jara bꞌʉa Daizeze ota. ¿Diasia bꞌʉka rey César plata diabadara, o dia bꞌe ẽ? ¿Diadꞌaidꞌe bꞌʉka o diadꞌaidꞌe bꞌʉ ẽ?

Marcos 12:14 Referans Kwoze

Juan 7:18

Izhikusauba bedꞌea bꞌʉbara izhitrʉ bia jaradꞌamarẽã bꞌʉa, mawũãmina mʉãrã Daizeze mʉ zokꞌadꞌata bia jaradꞌamarẽã bꞌʉa, mawũẽ wãrĩnuta jara bꞌʉa, aramaʉ̃ne mʉãrã sewata jara ẽã.

Romanos 13:6

Maʉ̃ba mazha ne erubꞌʉbari nokꞌorã plata diabadata dia bꞌea, aramaʉ̃ne nokꞌorã Daizezebara izhi nezokꞌarã kĩrãkꞌa bꞌʉdꞌaba baridua maʉ̃ne bꞌea.

Lucas 23:2

Mobe ji mawũãsidꞌa: Naʉ̃ daibara ũdusidꞌa zhãrãta nokꞌorã bawara kĩrũbiga bꞌʉta. Jara bꞌʉa rey César plata diabadara diadꞌa ẽbaita, jara bꞌʉa izhira zhãrã Ẽdrʉbita Reyta.

Lucas 20:22

¿Dazhirãbara diasia bꞌʉka rey César plata diabadara, o bꞌe ẽ?

Marcos 14:45

Aramaʉ̃ne zepe Jesús orrape mawũãsia: Miã Ũrãgꞌabari. Mobe kĩrãma nigasia.

Mateo 22:17

Bʉma sãwũãta daia jaradua: ¿Diasia bꞌʉka rey César plata diabadara, o dia bꞌe ẽ?

Mateo 22:16

Mawũẽ ãzhi pẽwã bꞌeta rey Herode pẽwã bꞌe bawara izhima zokꞌabʉdata jarabuesidꞌa mawũãnamarẽã: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, aramaʉ̃ne wãrĩnuta jara bꞌʉa Daizeze ota. Bʉra krĩcha zhãrãneã zhi edebi ẽã bʉara akʉ ẽbaera zhãrãnebemata.

Marcos 12:13

Fariseorãta ʉ̃kʉrʉ rey Herode pẽwã bꞌeta ʉ̃kʉrʉ Jesúsma zokꞌasidꞌa wãẽã bedꞌeabidꞌamarẽã.

Marcos 12:15

Jesúsbara kꞌawuasia ãzhira sewa bibaʉta kꞌobꞌeta, mawũẽ mawũãsia: ¿Mʉrã kꞌãrẽã wãẽãbidꞌaita kꞌopanʉ? Denario abꞌa mʉma weudua mʉã akʉita.