Marcos 12:1 - Porciones del Nuevo Testamento

¹ Mobebʉrʉ Jesúsbara ne bio jarakꞌa mawũãsia: Ũmakĩrãba uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Marcos 12:1 Referans Kwoze

Marcos 13:34

Aramaʉ̃nerã ũmakĩrãta wawara wãna kĩrãkꞌa berabꞌariya, izhi dera ãmaẽbʉrʉta nezokꞌarã izhidꞌea chãbꞌarisia, abꞌa abꞌaʉa dedꞌekasia kꞌãrẽ oita, de akʉbaria jarasia dauba bꞌamarẽã.

Marcos 4:2

Mawũẽ miã ũrãgꞌabʉrʉta ne bio jarakꞌasia, izhi miã ũrãgꞌabʉrʉra mawũãsia:

Mateo 25:14

Daizezeta Nokꞌodꞌebemane bꞌera ũmakĩrã wawara wãba odꞌa kĩrãkꞌa berabꞌariya. Nezokꞌarã izhidꞌeta trʉ̃kuape chãbꞌarikuasia izhi platata.

Hechos 7:38

Maʉ̃ Moiséra Israel bꞌe bawara bꞌasia drua drudrua tabꞌʉ maẽ, maʉ̃nerã kꞌatuma Sinaí maẽ ángelba jarabʉrʉta jarasia dazhirã zhibarirã bꞌeadꞌaa, aramaʉ̃ne sãwũã bꞌeaidꞌebema bedꞌeata jidasia dazhirãã diaita.

Lucas 19:12

Mawũẽ Jesúsbara mawũãsia: Ũmakĩrã zhi zromata drua ãĩ wawara wãsia rey bape jẽrũya zeita.

Lucas 15:13

Maʉ̃ tẽã ewari dããrã ẽãne tẽãbemane jõma nendope maʉ̃ plataba wãsia drua wawaraidꞌu. Maĩnu platara ewaradꞌe gastasia izha krĩñane bꞌʉdꞌe.

Lucas 8:10

Mawũãnaĩ izhara mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina awʉrʉrã izhidꞌebema ĩjã ẽã bꞌeara ne biodꞌeba jaraibara. Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã.

Mateo 21:28

¿Mawũãmina marãma sãwũãpe? Ũmakĩrãba erubꞌasia warrarãta ũme, mawũẽ zhi nabemata orrape mawũãsia: Warra, idꞌira trajadꞌe wãrũã mʉ uvadꞌe.

Lucas 22:9

Mawũãĩ ãzhara mawũãsidꞌa: ¿Bʉara sãma odꞌaita krĩñape?

Mateo 13:3

Mawũẽ ne bio jarakꞌa mawũãsia: Ne ubarita ne podꞌe wãsia.

Mateo 21:33

Ũrĩũdua, mʉã dewara ne jarakꞌaya: Ũmakĩrãta bꞌasia drua zhibarita, maʉ̃bara uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Mateo 21:34

Uva bꞌʉabada ewade nezokꞌarã izhidꞌeta zokꞌasia uvadꞌe trajabadama, jidadꞌamarẽã uva izhaa diabʉdata.

Marcos 3:23

Mawũẽ Jesúsbara trʉ̃kuape ne jarakꞌa mawũãsia: ¿Ãtõmiãbara sãwũã ãĩ jʉrekuaipe jai izha jʉre nʉmʉrã?

Marcos 11:33

Mawũẽ panaʉ̃bʉdata Jesúa mawũãsidꞌa: Daibara kꞌawuadꞌa ẽã. Mawũãnaĩ Jesúsbara panaʉ̃ mawũãsia: Mʉãbidꞌa marãã jara ẽã kꞌaiba obi bꞌʉra mʉã obꞌʉra.