Marcos 11:32 - Porciones del Nuevo Testamento

³² ¿Maʉ̃ne dazhirãbara sãwũã zhãrãba zokꞌasia adꞌaipe? Ãzhara aramaʉ̃ne zhãrãta wawiasidꞌa, jõmaʉ̃ma Juan wãrĩnu Daizezeba bedꞌeata jarabibarita bꞌʉ baera.

Marcos 11:32 Referans Kwoze

Marcos 12:12

Jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina kꞌabanata wawiabʉdaba ãmaẽbʉdata wãsidꞌa.

Mateo 21:46

Mawũẽ sãwũã jidadꞌaita krĩcha jʉrʉsidꞌamina, zhãrãta wawiasidꞌa zhãrãma Jesús Daizezeba bedꞌeata jarabibarita bꞌʉ baera.

Mateo 14:5

Herodebara bea krĩña bꞌasimina wawia bꞌasia zhãrã bꞌeta, zhãrãma Juan bꞌasi baera Daizezeba bedꞌeata jarabibarita.

Hechos 5:26

Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba.

Juan 10:41

Maʉ̃nerã bio izhima ze nʉmʉbara mawũã duanasia: Ũdudꞌakꞌara Juanbara o ẽbasia, mawũãmina naʉ̃ Jesúsdꞌebemata Juanba jaradꞌara jõma wãrĩnu basia.

Lucas 22:2

Sacerdoterã nokꞌorãta bꞌera ũrãgꞌa Moisédꞌe jarabadata bꞌera krĩcha jʉrʉ bꞌeasia Jesús sãwũã beadꞌaita, ãzhara wawia bꞌe baera zhãrã bꞌeta.

Lucas 20:19

Sacerdoterã nokꞌorãbara ũrãgꞌa Moisédꞌe jarabadabara aramaʉ̃ta jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina wawiasidꞌa zhãrãta.

Marcos 6:20

Herodebara Juan wawia bꞌasia izha kꞌawua bꞌʉba biata Daizezeita bꞌʉta, mawũẽ idaribi ẽbasia. Juan bedꞌeata ũrĩbʉrʉdꞌera sãwũãĩ kꞌawua ẽã bꞌasimina ũrĩ krĩña ũrĩ bꞌasia.

Mateo 11:9

¿Kꞌãrẽta akʉdꞌe jũẽsidꞌa? ¿Daizezeba bedꞌeata jarabibarita akʉdꞌe jũẽsidꞌakꞌa? Izhia, mʉã marãã jaraya, kꞌãʉ̃ Daizezeba bedꞌeata jarabibarita audre zhi zroma.

Marcos 11:31

Mawũãĩ ãzhirãĩnu mawũãsidꞌa: Dazhirãba Ʉ̃trebemaba zokꞌasia adꞌara, ¿mobera kꞌãrẽã ĩjãna ẽbasi aya?

Marcos 11:33

Mawũẽ panaʉ̃bʉdata Jesúa mawũãsidꞌa: Daibara kꞌawuadꞌa ẽã. Mawũãnaĩ Jesúsbara panaʉ̃ mawũãsia: Mʉãbidꞌa marãã jara ẽã kꞌaiba obi bꞌʉra mʉã obꞌʉra.