Marcos 10:21 - Porciones del Nuevo Testamento

²¹ Mawũãĩ Jesúsbara ibiadꞌe akʉpe mawũãsia: Bʉara ne abꞌa aribꞌaeita wãẽã bꞌʉa. Mawũẽ wãpe, bʉzha ne erubꞌʉta jõma nendope, platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua bebudꞌe basiidꞌu.

Marcos 10:21 Referans Kwoze

Lucas 10:42

Mawũãmina Daizeze bedꞌeata ũrĩnaĩ barata bꞌʉa. Maríabara maʉ̃ta biata jidabʉrʉa, mawũẽ miõba ãĩ tʉdꞌa ẽã.

Hechos 2:45

Ẽjũã ãzhidꞌera, ne ãzhidꞌera nendodꞌape platara abꞌa abꞌaʉa dra bꞌeasia zhi nesidꞌa kꞌawua.

Lucas 18:22

Maʉ̃ta ũrĩĩ Jesúsbara mawũãsia: Bʉara wadꞌi ne abꞌa aribꞌaeita wãẽã bꞌʉa. Bʉa ne erubꞌʉta jõma nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Mateo 16:24

Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Lucas 12:33

Mazha ne erubꞌera nendodꞌape zuburia bꞌea diaudua. Mawũãrã zũbi soreakꞌadꞌe ne biata ʉ̃tre tʉdꞌaya jõkꞌata. Maĩnurã nezrʉgamiã jũẽ ẽã, miã zhi muĩba ãrĩ ẽã.

Marcos 8:34

Mawũãpe zhãrãta izha jʉrʉkuadꞌa bawara trʉ̃pe mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Lucas 19:41

Aramaʉ̃ne Jerusalén kꞌaita zebʉrʉdꞌera akʉ maʉ̃ pʉwʉrʉ kꞌarea jẽgabʉrʉta,

Lucas 9:23

Mawũãpe jõmaʉ̃ã mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu ewariza mʉrã pẽwãdua.

Mateo 19:21

Mawũãĩ Jesúsbara mawũãsia: Bʉta bia nʉma krĩña bꞌʉbʉrʉ wãpe bʉzha ne erubꞌʉta nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Lucas 16:9

Mʉã marãã jaraya: Marãbidꞌa zhãrã marã bawara zhibiarãta oudua mazha ne erubꞌeba, plata erubꞌeba, mawũãrã maʉ̃ jõbʉrʉdꞌera bꞌaribidꞌaya Daizeze ũme bꞌai jõ ẽã maẽ.

Marcos 10:22

Kũrãbara maʉ̃ bedꞌeata ũrĩpe sopua wãsia kꞌãbãẽã bara bꞌʉ baera.