Lucas 9:51 - Porciones del Nuevo Testamento

⁵¹ Jesús ʉ̃taa wãĩta ewarita arababʉrʉdꞌera wãnigua wãsia Jerusalén pʉwʉrʉedꞌa.

Lucas 9:51 Referans Kwoze

Marcos 16:19

Nokꞌo Jesús ma bedꞌeabʉrʉdꞌera Daizezebara ʉ̃taa edesia, aramaʉ̃ne Nokꞌota bꞌaita jewedꞌasia Daizeze juwua araare.

Lucas 18:31

Jesúsbara doce izha jʉrʉkuadꞌata awuara jʉre edape mawũãsia: Dazhirã wãrĩze wã Jerusalén pʉwʉrʉedꞌa, aranaʉ̃ne arimaẽ berabꞌariya Daizezeba bedꞌeata jarabibarirãba bꞌʉdꞌapeadꞌata mʉ Beubari Bape bꞌʉdꞌebemata.

Lucas 13:22

Jesús pʉwʉrʉ zromaza, pʉwʉrʉ zakeza, berabꞌari wãne miã ũrãgꞌa wãsia wãta Jerusalén pʉwʉrʉedꞌa.

Lucas 17:11

Jesús Jerusalén pʉwʉrʉedꞌa wãta berabꞌarisia Samaria druadꞌe, Galilea druadꞌe.

Hechos 1:9

Maʉ̃ta jarape kꞌobꞌʉta ãzha akʉ kꞌobꞌedꞌe Jesús ʉ̃taa jirabꞌari wãsia, aramaʉ̃ne jãrãrãne dogꞌoba ũdudꞌa ẽbasia.

Hechos 1:2

Daizezeba ʉ̃taa ededꞌabitabai jarasia. Ʉ̃taa wãĩ nawedꞌa Jawurebiadꞌeba jarakꞌasia izha zokꞌakuaita jʉrʉkuadꞌaba kꞌãrẽ odꞌaita.

Juan 17:11

Mʉrã ya naʉ̃ ẽjũãne bꞌa ẽã. Mawũãmina ãzhira naʉ̃ ẽjũãne bꞌeaya, maʉ̃ne mʉrã bʉma wãña. Zeze bʉra biata bꞌʉa, bʉa mʉãã diadꞌata bꞌera bʉzhi zareaba akʉ jʉre edarua, aramaʉ̃ne abꞌa bꞌeamarẽã dazhi abꞌaʉ kĩrãkꞌa.

Juan 16:28

Mʉrã mʉ Zeze maẽba zesia naʉ̃ ẽjũãẽna, mʉãrã naʉ̃ ẽjũãrã ãmaẽña, mʉrã wakusa wãña mʉ Zezema.

Juan 16:5

Mawũãmina kꞌõbebʉrʉ mʉrã wãña mʉ zokꞌadꞌama, maʉ̃ta marãnebemabara miõba widꞌi mawũã ẽã: ¿Bʉra sãmaã wãĩpe?

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 6:62

¿Mobera sãwũãnaĩpe mʉ Beubari Bape bꞌʉta ʉ̃taa wãbʉrʉta ũdudꞌara naara mʉ bꞌadꞌama?

Lucas 24:51

Mawũã ibia jarakꞌa kꞌobꞌʉdꞌe ãzhi maẽbara Daizezeba edesia ʉ̃taa.

Lucas 19:28

Maʉ̃ta jarape Jesús na wãsia wãrĩze Jerusalén pʉwʉrʉedꞌa.

Lucas 19:11

Maʉ̃ta ãzha ũrĩ kꞌobꞌedꞌe Jesúsbara ne jarasia, maʉ̃nerã Jerusalén kꞌaita basi baera ãzhara krĩchasidꞌa Daizezeta Nokꞌodꞌebema zeita aramaʉ̃ta.

Lucas 12:50

Mʉrã zuburia beuya. ¡Mʉrã maʉ̃ba sopua bꞌʉa maʉ̃ta arimaẽ berabꞌariyeedꞌa!

Lucas 9:57

Odꞌe wãnane abꞌaʉba Jesúa mawũãsia: Nokꞌó, mʉã bʉra pẽwãña bʉ wãbʉrʉma.