Lucas 9:29 - Porciones del Nuevo Testamento

²⁹ Zhiwidꞌi nʉmʉne kĩrã awuarasia, izhi wuara totroa ʉ̃nasia.

Lucas 9:29 Referans Kwoze

Mateo 17:2

Mama awuarasia ãzhi kĩrãbita, izhi kĩrã ʉ̃nasia ʉ̃madau kĩrãkꞌa, izhi wuara totroa ʉ̃nasia ʉ̃na kĩrãkꞌa.

Hechos 6:15

Maʉ̃nerã nokꞌorã wagꞌaurã maẽ jewedꞌa kꞌobꞌebara jõmaʉ̃ba Esteban akʉbʉdadꞌera, izhi kĩrã ũdusidꞌa ángel kĩrã kĩrãkꞌa.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Marcos 16:12

Maʉ̃ tẽã Jesús zhi ũdubisia izha jʉrʉkuadꞌata ũmeã, maʉ̃rã odꞌe tebasidꞌa.

Lucas 3:21

Juanba zhãrã jõma buru kꞌoekua nʉmʉnerã Jesúsidꞌa buru kꞌoesia. Maʉ̃ne zhiwidꞌi kꞌobꞌʉdꞌe bãjã ewasia.

Lucas 5:16

Mawũãmina izhira miõ ne ẽã maẽ wã bazhia zhiwidꞌiita.

Lucas 6:12

Jari ewadera Jesús wãsia kꞌatumaĩnu zhiwidꞌidꞌe, maʉ̃nerã zhiwidꞌi ʉ̃nadrʉsia Daizezea.

Lucas 9:18

Ewari abꞌa Jesús zhãrã maẽbara ãĩ zhiwidꞌi bꞌʉdꞌe, izha jʉrʉkuadꞌata izhi bawara kꞌopanʉne widꞌi mawũãsia: ¿Zhãrãbara mʉrã kꞌaita jara panʉ?

Lucas 9:30

Maʉ̃ne ũmakĩrã ũme izhi ũme bedꞌea kꞌopanasia Moiséta, Elíata.