Lucas 9:11 - Porciones del Nuevo Testamento

¹¹ Zhãrãbara kꞌawuadꞌape kꞌaidꞌu wãsidꞌa. Mawũẽ izhara bia edabʉrʉta jarakꞌasia Daizezeta Nokꞌodꞌebemata, bꞌebikuasia zhi bꞌei bara bꞌera.

Lucas 9:11 Referans Kwoze

Romanos 15:3

Miã Cristosidꞌa izhiitabʉrʉ bia nʉma ẽbasia. Awuarabʉrʉ maʉ̃ẽnabemata zhi bꞌʉmata mawũã bꞌʉa: Zeze, bʉta ikꞌazhirua jaradꞌapeadꞌara mʉ ʉ̃rʉ̃ bꞌaesia.

Romanos 10:14

¿Mawũãmina kꞌarebara sãwũã widꞌidꞌaipe izhidꞌebemata ĩjãna ẽãrã? ¿Sãwũã ĩjãnaĩpe izhidꞌebemata ũrĩnakꞌara? ¿Sãwũã ũrĩnaĩpe kꞌaiba jaraita ne ẽbʉrʉ?

Hechos 28:31

Daizezeta Nokꞌodꞌebemata jara bꞌʉta Nokꞌo Jesucristodꞌebemata dajada jara bꞌasia, maʉ̃nerã miõba sãwũã ẽbasia.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Lucas 9:2

Mobebʉrʉ jaradꞌe zokꞌakuasia Daizezeta Nokꞌodꞌebemata, aramaʉ̃ne bꞌebidꞌamarẽã kꞌayarãsidꞌa.

Lucas 8:10

Mawũãnaĩ izhara mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina awʉrʉrã izhidꞌebema ĩjã ẽã bꞌeara ne biodꞌeba jaraibara. Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã.

Lucas 8:1

Maʉ̃ tẽã Jesús wãsia pʉwʉrʉ zromaza, pʉwʉrʉ zakeza, bedꞌea biata jarakꞌa wãsia Daizezeta Nokꞌodꞌebemata. Kꞌaidꞌu bꞌeasia izha jʉrʉkuadꞌata docera.

Lucas 5:31

Mawũãnaĩ Jesúsba panaʉ̃ mawũãsia: Bika bꞌebara nesidꞌa duanu ẽã zhãrã bꞌebi bꞌʉra, awuarabʉrʉ nesidꞌa bꞌea kꞌayarãbʉrʉ.

Lucas 1:53

Jarra bꞌera ne biata dedꞌekasia, waya bara bꞌera buegasia kꞌãrẽ ne ẽã.

Mateo 21:43

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.

Mateo 21:31

¿Ũmebara sãʉ̃ba osi zhi zezeba krĩñarã? Mawũãĩ ãzhara mawũãsidꞌa: Osia nabemaba. Mawũãnaĩ Jesúsbara mawũãsia: Mʉã wãrĩnu marãã jaraya, rey Romanebemaĩta plata widꞌibadata, wũẽrãrã jõmaʉ̃ne bꞌeta marã kꞌãñabara wãnaña Daizezeta Nokꞌota bꞌʉma.

Mateo 14:14

Jesús jãbadꞌeba udꞌubꞌaebʉrʉdꞌe kꞌabanata ũdui ãzhi sozuburiape bꞌebikuasia ãzhidꞌebema kꞌaya bꞌeta.

Romanos 10:17

Aramaʉ̃nerã ũrĩbʉrʉba ĩjã bꞌʉa, Cristodꞌebemata mawũã ũrĩbʉrʉba Daizeze bedꞌeadꞌeba.

Mateo 12:15

Jesúsbara maʉ̃ta kꞌawuape wãsia mamaʉ̃bara, zhãrã bio kꞌaidꞌu wãbʉdata kꞌaya bꞌera bꞌebisia jõma.

Lucas 9:10

Jesúsba zokꞌakuadꞌata wakusa zebʉdadꞌera jõma nebʉrʉsidꞌa ãzha odꞌapeadꞌata. Maʉ̃nerã bari ãzhitrʉ jʉre edesia miõ ne ẽã maẽ Betsaida pʉwʉrʉ kꞌaita.

Lucas 9:12

Maʉ̃ne ewari keudꞌe izha jʉrʉkuadꞌata docebara orradꞌape mawũãsidꞌa: Zhãrã kꞌobꞌera wãbigarua wãnamarẽã pʉwʉrʉ zake tabꞌema, meã arakꞌaita bꞌema, maʉ̃za kꞌãĩguebʉdaba ũdudꞌamarẽã zhikota. Dazhirã namarã kꞌobꞌea kꞌãrẽ ne ẽã maẽ.