Lucas 8:43 - Porciones del Nuevo Testamento

⁴³ Maʉ̃ne wũẽrã abꞌa waba kꞌaya bꞌʉta doce año bata bꞌasia. Bibadꞌamarẽã zhãrã jʉrʉkua bꞌʉdꞌe izha erubꞌadꞌara jõma gastasiidꞌu miõba bibadꞌa ẽbasia.

Lucas 8:43 Referans Kwoze

Lucas 13:16

Naʉ̃ wũẽrã Abrahamneba uruta, ãtõmiãba jʉ̃ erubꞌʉta dieciocho año bara, ¿kꞌãwũã ẽnaĩne bꞌasi ẽka ẽnaʉ̃bada ewade?

Juan 9:1

Jesús wãbʉrʉdꞌera ũdusia ũmakĩrã daʉbꞌerrea todꞌata.

Lucas 13:11

Maʉ̃ne wũẽrãta mama bꞌasia dieciocho año bata jaiba kꞌaya bꞌʉta, mawũẽ ejũrẽã nimita jipa jĩrũ bꞌe ẽbasia.

Lucas 8:27

Jesús drua jʉ̃drʉdꞌera ũmakĩrãta izhima zesia pʉwʉrʉdꞌebemata, kĩrãnema bꞌʉta ewari dããrã bata bꞌasia, wua jʉ̃ ẽã bꞌʉta dedꞌa bꞌa ẽbasia, awuarabʉrʉ bꞌasia peña zobꞌeata beuwãrã wuagꞌabadata nʉme maẽ.

Hechos 4:22

Wã bꞌe ẽã bꞌʉta mawũã bꞌedꞌara bꞌasia cuarenta año audre.

Hechos 3:2

Maʉ̃ne ũmakĩrãta bꞌasia wã bꞌe ẽã todꞌata, izhira wedꞌape ewariza bꞌʉbazhidꞌa Daizeze deta puerta Kĩrãwãrẽã abada maẽ. Mawũã bꞌʉbazhidꞌa Daizeze dedꞌa edꞌa wãbʉdaa plata widꞌimarẽã.

Juan 9:21

Mawũãmina sãwũã kꞌãwũã ne ũdu bꞌidꞌara daibara kꞌawuadꞌa ẽã, miã daʉbꞌerrea bꞌʉta kꞌaiba kꞌãwũã ne ũdubi bꞌidꞌapʉra daibara kꞌawuadꞌa ẽã. Ya zõrã baera izhaa widꞌiudua, ari izha nebʉrʉya.

Marcos 9:18

Maʉ̃ jaibara baridu maẽ jidabʉrʉdꞌera bꞌaebi bꞌʉa, ibꞌa kꞌopepeabaria, kidꞌa kꞌõseseabaria, ʉ̃bꞌʉa tabꞌebaria. Mʉãrã bʉa jʉrʉkuadꞌaa jarasia ãĩ jʉretadꞌamarẽã, mawũãmina bꞌedꞌa ẽbasia.

Marcos 12:44

Wuaabemabara edꞌa kenabꞌaribʉda plata audꞌubemata, mawũãmina naʉ̃ wũẽrãbara zuburia bꞌʉdꞌe jõma edꞌa kenabꞌaribʉrʉa izhi nekꞌoita erubꞌadꞌata.

Lucas 8:42

Izhara kꞌauta abꞌa erubꞌʉta doce año bꞌʉta beubodꞌo basia. Jesús wãbʉrʉdꞌera kꞌabanaba pẽũsua wãbisidꞌa.

Lucas 8:44

Ãbʉdeba orrape tõbꞌarisia Jesús wua ita. Aramaʉ̃ta poasia wa ze nʉmʉrã.