Lucas 8:21 - Porciones del Nuevo Testamento

²¹ Mawũãnaĩ Jesúsbara panaʉ̃ mawũãsia: Mʉ papata, mʉ mebẽrãta bꞌea Daizeze bedꞌeata ũrĩ aribꞌae bꞌeta.

Lucas 8:21 Referans Kwoze

Juan 13:17

Maʉ̃ta sãwũãta kꞌawuadꞌara Daizezebara sobia bꞌeabiya aribꞌaedꞌara.

Lucas 8:15

Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 28:10

Maʉ̃ne Jesúsbara mawũãsia: Perarãũdua, wãnape mʉ mebẽrãã jaraudua Galileaedꞌa wãnamarẽã, mʉrã maĩnu ũdudꞌaya.

Mateo 25:45

Mawũãnaĩ mʉãrã panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ o ẽbadꞌara mʉĩta kꞌãrẽ odꞌa ẽbasia.

Lucas 8:20

Maʉ̃ne jara mawũãsidꞌa: Bʉ papata bʉ mebẽrãta ewaradꞌe kꞌopanʉã, bʉta ũdu krĩña panʉã.