Lucas 7:29 - Porciones del Nuevo Testamento

²⁹ Maʉ̃ jarabʉrʉta zhãrã jõmaʉ̃ba ũrĩbʉdadꞌera, rey Romanebemaĩta plata widꞌibadabidꞌa ũrĩbʉdadꞌera jarasidꞌa Daizezeba Juanneba ũrãgꞌa nʉmʉrã bigata, ãzhira aramaʉ̃ne zhi buru kꞌoema basia Juanba.

Lucas 7:29 Referans Kwoze

Lucas 3:12

Rey Romanebemaĩta plata widꞌibadata ʉ̃kʉrʉ buru kꞌoebidꞌaita zedꞌape mawũãsidꞌa: Miã ũrãgꞌabari, daibara ¿kꞌãrẽta odꞌaipe?

Lucas 7:35

Mawũãmina Daizeze krĩchara bigata kꞌawua bꞌea izhidꞌebemata ĩjã bꞌeta bia nʉmeba.

Romanos 10:3

Daizezeba sãwũã bedꞌea ne ẽã bꞌʉbarira kꞌawuadꞌa ẽã, mawũẽ ãzha kꞌãrẽ obꞌeba bedꞌea ne ẽã bꞌeaita krĩcha nʉmeba Daizezeba bedꞌea ne ẽã bꞌʉidꞌebemane duanu ẽã.

Hechos 19:3

Mawũãnaĩ mawũãsia: ¿Kꞌaiba jarabʉrʉdꞌeba buru kꞌoesidꞌa? Mawũãĩ ãzhara mawũãsidꞌa: Buru kꞌoesidꞌa Juanba jaradꞌadꞌeba.

Hechos 18:25

Nokꞌo Jesúsdꞌebema maʉ̃ã kꞌawabisidꞌa. Mawũẽ Nokꞌo Jesúsdꞌebema bꞌʉsridꞌa bia jara bꞌasia bari kꞌawua bꞌasimina buru kꞌoeidꞌebemata Juanba jara bꞌadꞌata.

Mateo 5:46

Marã kʉãgꞌa bꞌetrʉ kʉãgꞌadꞌara, ¿maʉ̃barira kꞌãrẽ biata jidadꞌaipe? ¿Abꞌarika obada ẽka rey Romanebemaĩta plata widꞌibadabidꞌa?

Lucas 7:28

Mʉã marãã jaraya, wũẽrãba tobʉdara Daizezeba bedꞌeata jarabibarira audre zhi zroma ne ẽã Juan Burukꞌoemiã kꞌãñabara. Mawũãmina Daizezeta Nokꞌodꞌebemata zhi zroma ẽãta bꞌʉra zhi zroma izhi kꞌãñabara.

Lucas 20:6

Dazhirãba zhãrãba zokꞌasia adꞌara, dazhirã zhãrã jõmaʉ̃ba mongꞌaraba bꞌata jidadꞌaya kꞌawua bꞌe baera Juan Daizezeba bedꞌeata jarabibarita bꞌadꞌata.