Lucas 6:6 - Porciones del Nuevo Testamento

⁶ Awʉrʉ ewade ẽnaʉ̃bada ewade de zhi jʉrebada maẽ Jesús edꞌa wãpe miã ũrãgꞌasia. Mama ũmakĩrãta bꞌasia juwua bagu bꞌʉta juwua arata.

Lucas 6:6 Referans Kwoze

Juan 5:3

Maʉ̃za kꞌayarãta bio nʉmasia, daʉbꞌerrea bꞌeta, wã bꞌe ẽã bꞌeta, kꞌakua pira ẽã kꞌaya bꞌeta nʉmasia, maʉ̃rãbara jʉ̃ã bꞌeasia poso õbꞌʉta pirayeedꞌa.

Lucas 4:31

Jesús wãsia Capernaúm pʉwʉrʉedꞌa, maʉ̃ pʉwʉrʉra Galilea druadꞌebema. Mobe miã ũrãgꞌa bꞌasia ewari ẽnaʉ̃badaza.

Lucas 4:16

Jesús wãsia Nazaret pʉwʉrʉedꞌa izhi waridꞌaidꞌu. Ẽnaʉ̃bada ewade de zhi jʉrebada maẽ edꞌa wãsia izhi kꞌawa bꞌʉ kĩrãkꞌa, mobe piradrʉsia Daizeze bedꞌeata leita.

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Juan 9:16

Mawũãĩ fariseorã ʉ̃kʉrʉbara mawũãsidꞌa: Kꞌãʉ̃ Daizezedꞌeba nʉmʉ ẽã, mawũẽ aribꞌae ẽã ẽnaʉ̃bada ewarira. Waya awʉrʉrãbara mawũãsidꞌa: ¿Kꞌazhirua omiãbara sãwũã mawũã ũdudꞌakꞌata oipe? Ãzhira aramaʉ̃ne krĩcha abꞌarika ze ẽbasia.

Lucas 14:3

Jesús bedꞌeabʉrʉta ũrãgꞌa Moisédꞌe jarabadaa fariseorãã mawũãsia: ¿Zhãrã bꞌebisia bꞌʉka ẽnaʉ̃bada ewadera?

Lucas 13:10

De zhi jʉrebada maẽ Jesús miã ũrãgꞌa nʉmasia ẽnaʉ̃bada ewade.

Lucas 6:1

Ẽnaʉ̃bada ewade trigo u tabꞌʉ maẽ Jesús berabꞌari wãne, izha jʉrʉkuadꞌabara trigo zhi kʉ̃mʉne ẽnape juwuaba bogꞌachira epa kꞌosidꞌa.

Lucas 6:5

Mawũãpe mawũãsia: Maʉ̃ẽnabema mʉ Beubari Bape bꞌʉra ewari ẽnaʉ̃bada Nokꞌoa.