Lucas 6:35 - Porciones del Nuevo Testamento

³⁵ Maʉ̃ba kʉãgꞌaudua marã jura bꞌera, bia oudua, ne prestaudua, mawũãmina jẽrũya diamarẽã bꞌearãũdua. Mawũãrã Daizezebara marãã kꞌãrẽ waibꞌʉa dedꞌekaya, aramaʉ̃nerã Ʉ̃trebema warrarãta bꞌeaya. Izhara sozuburia bꞌʉa izhaa zhibia jidakꞌata, bia ẽãta bꞌeta.

Lucas 6:35 Referans Kwoze

Juan 13:35

Mawũãtrʉ jõmaʉ̃ba kꞌawuadꞌaya marã mʉ pẽwã bꞌeta, zhiya kʉãgꞌa bꞌebʉrʉ.

Juan 15:8

Mʉ Zezera zhi zromata nʉmabidꞌaya izha krĩñata bio obꞌeba, aramaʉ̃ne mʉã jʉrʉkuadꞌata bꞌeaya.

Hechos 14:17

Izhidꞌebema kꞌawuabiga ẽã nʉmʉkꞌãrĩ ẽãba biata obꞌʉa. Aramaʉ̃ne dazhirãĩta bãjãneba kue zebi bꞌʉa, ewarita zebi bꞌʉa ne zaudꞌamarẽã, aramaʉ̃ne maʉ̃ba sobia bꞌabiga bꞌʉa dazhirã sora.

Lucas 1:32

Izhira zhi zroma baya, izhira Ʉ̃trebema Warra adꞌaya. Daizezebara Reyta bꞌʉya David bꞌadꞌa kĩrãkꞌa, zõrã izhi uruta bꞌadꞌa kĩrãkꞌa.

Marcos 5:7

Izhidꞌeba jaibara nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Daizeze daidꞌu mʉã bʉaa jaraya, mʉta zuburia orãrũã.

Mateo 5:9

Sobiaudua zhãrãta zhiya adu-a duanabi bꞌera, mawũãrã Daizeze warrarã adꞌaya.

Lucas 6:36

Mawũẽ zhãrã sozuburia bꞌeaudua, marã Zezeta zhãrã sozuburia bꞌʉ kĩrãkꞌa.