Lucas 5:5 - Porciones del Nuevo Testamento

⁵ Mawũãĩ Simónbara panaʉ̃ mawũãsia: Miã Ũrãgꞌabari, daira diamase dobꞌari ʉ̃nadrʉdꞌamina daibara miã kꞌãrẽta beadꞌa ẽbasia. Mawũãmina bʉ bedꞌeadꞌeba mʉãrã bꞌaribueya atarraya.

Lucas 5:5 Referans Kwoze

Juan 2:5

Zhi papabara vino jedꞌekabadarãã mawũãsia: Izha jarabʉrʉra jõma oudua.

Juan 15:14

Marã mʉ bawara zhibiata bꞌea mʉã jara bꞌʉta aribꞌaedꞌara.

Juan 21:3

Maʉ̃ne Simón Pedrobara mawũãsia: Mʉrã wãña bꞌeda beadꞌe. Mawũãĩ jarirãbara mawũãsidꞌa: Daisidꞌa wãnaña bʉ bawara. Aramaʉ̃ne wãnape jãbadꞌe bꞌarisidꞌa, maʉ̃ diamasera bꞌeda beadꞌa ẽbasia miã kꞌãrẽta.

Lucas 8:24

Mawũẽ Jesúsma zedꞌape ʉ̃rʉ̃ma mawũãsidꞌa: ¡Miã Ũrãgꞌabari, dazhirã tabodꞌoa! Mawũãnaĩ Jesús ʉ̃rʉ̃mape kẽãsia nanguta do bomatʉta, mawũẽ taukua nʉmaẽdasia.

Lucas 17:13

nemi jĩgua mawũãsidꞌa: ¡Jesús Miã Ũrãgꞌabari, daira sozuburiarua!

Lucas 9:33

Maʉ̃rãta Jesús maẽba ãĩ wãbʉdadꞌera Pedrobara Jesúa mawũãsia: Miã Ũrãgꞌabari, biga dazhirã nama kꞌobꞌera. De kꞌãĩdeta ũbea odꞌaya abꞌa bʉita, abꞌa Moiséita, abꞌa Elíaita. Pedrobara sãwũãta kꞌawua ẽãta mawũã bedꞌeasia.

Lucas 9:49

Juanbara mawũãsia: Miã Ũrãgꞌabari, daibara iabꞌa ũdusidꞌa jai ãĩ jʉrekua nʉmʉta bʉ trʉ̃neba. Daibara maʉ̃ kꞌaudꞌa bꞌa ẽbamarẽã jarasidꞌa dazhirã bawara bꞌʉ ẽbaera.

Lucas 8:45

Maʉ̃ne Jesúsbara mawũãsia: ¿Mʉrã kꞌaiba tõbꞌarisi? Jõmaʉ̃ba tõbꞌaridꞌa ẽãta jarasidꞌa, maʉ̃ne izhi ũme kꞌopanʉ bawarauba Pedroba mawũãsia: Miã Ũrãgꞌabari, kꞌabanaba bʉra pẽũsua wãbidꞌata, ¿mʉrã kꞌaiba tõbꞌarisi abʉrʉka?