Lucas 5:21 - Porciones del Nuevo Testamento

²¹ Maʉ̃nerã ũrãgꞌa Moisédꞌe jarabadara fariseorã bawara krĩcha mawũãsidꞌa: ¿Naʉ̃ kꞌaipe mawũã Daizezema mitia bedꞌeaira? ¿Kꞌazhiruata biodꞌebara zhãrã kꞌaiba bedꞌea ne ẽã bꞌʉ bꞌeipe? Awuarabʉrʉ bꞌeya Daizezebʉrʉ.

Lucas 5:21 Referans Kwoze

Juan 10:33

Mawũãĩ judíorãbara panaʉ̃ mawũãsidꞌa: Bʉa biata obꞌʉ kꞌarea mongꞌaraba tabꞌaridꞌaita kꞌopanʉ ẽã, awuarabʉrʉ tabꞌaridꞌaya Daizezema mitia bedꞌea bꞌʉdꞌeba, aramaʉ̃ne bʉra beubari bꞌʉta Daizezea abꞌʉa.

Lucas 7:49

Mawũãĩ ãba nekꞌo kꞌobꞌebara ãzhirãĩnu mawũãsidꞌa: ¿Naʉ̃ kꞌaipe mawũã kꞌazhiruata biodꞌeba zhãrã bedꞌea ne ẽã bꞌʉira?

Mateo 26:65

Mawũãĩ sacerdote wagꞌaubara kĩrũbiba izhikusa izhi wuata kꞌõẽtape mawũãsia: Daizezema mitia bedꞌeabʉrʉa. ¿Mawũẽ izhi ʉ̃rʉ̃ kꞌãrẽta ãmaña jaradꞌamarẽã nesidꞌa bꞌeaipe? Marãbara ũrĩbʉda Daizezema mitia bedꞌeabʉrʉta.

Romanos 8:33

¿Kꞌaiba ji nʉma bꞌeipe Daizezeba jʉrʉkuadꞌara? Daizezebara izhabʉrʉ bedꞌea ne ẽã bꞌʉbaria.

Lucas 5:17

Ewari abꞌa Jesús miã ũrãgꞌa nʉmʉne jewedꞌa duanasia fariseorãta ũrãgꞌa Moisédꞌe jarabada bawara. Ãzhira pʉwʉrʉ zaketa tabꞌe maẽba zekuasia Galilea druadꞌeba, Judea druadꞌeba, Jerusalénneba. Maʉ̃nerã Daizeze zareara Jesú ũme nʉmasia zhãrã bꞌebiita.

Mateo 9:3

Maʉ̃nerã ũrãgꞌa Moisédꞌe jarabadabara ʉ̃kʉrʉba ãzhi bitabaiba mawũãsidꞌa: Naʉ̃ mawũãrã Daizezema mitia bedꞌeabʉrʉa.

Lucas 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua. Mazhi sobitabaiba Daizezebara pua kꞌawua o ẽãta jarabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Lucas 5:22

Jesúsbara ãzhi mawũã krĩcha kꞌobꞌeta kꞌawuape mawũãsia: ¿Kꞌãrẽta krĩcha kꞌobꞌe marã sodꞌera?