Lucas 4:35 - Porciones del Nuevo Testamento

³⁵ Maʉ̃ne Jesúsbara kẽã mawũãsia: Chupearua, kꞌãʉ̃nebara ãĩ wãrũã. Mawũãĩ jaibara ãzhi ẽsadra bꞌaebipe maʉ̃nebara ãĩ wãsia puo ẽã.

Lucas 4:35 Referans Kwoze

Lucas 4:41

Jaisidꞌa zhãrã biodꞌeba ãĩ wãbʉdata nemi jĩgua mawũãsidꞌa: ¡Bʉra Daizeze Warra! Mawũãmina izhara kẽãkuasia, aramaʉ̃ne bedꞌeabiga ẽbasia kꞌawua bꞌeba izhira zhãrã Ẽdrʉbita.

Lucas 4:39

Mawũẽ Jesús izhima bꞌarrupe kʉwamiã kẽãsia, mawũẽ kʉwamiãbara kenabꞌaribʉrʉba izhira audre ẽãne piradrʉpe ne jigasia.

Mateo 8:26

Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Lucas 11:22

Mawũãmina izhi audre mesẽrãta zebʉrʉdꞌera izhira edre bꞌaebipe ne izhi zhõbarira jõma jãrĩña maʉ̃ba zarea bꞌʉta, mobe awʉrʉ bawarauba draya.

Lucas 9:42

Kũrãta urudꞌera jaibara bꞌaebipe abꞌaedꞌa wawabisia. Mawũãmina Jesúsbara jaira kẽãsia, aramaʉ̃ne kũrã bꞌebipe diasia zhi zezea.

Lucas 9:39

Jaiba jidabʉrʉdꞌera kꞌawua ẽãne jʉrabibaria, abꞌaedꞌa wawabibaria, mobe ibꞌa kꞌopepea zebibaria, aramaʉ̃ne puo bꞌʉra kenabꞌari ẽã.

Lucas 8:24

Mawũẽ Jesúsma zedꞌape ʉ̃rʉ̃ma mawũãsidꞌa: ¡Miã Ũrãgꞌabari, dazhirã tabodꞌoa! Mawũãnaĩ Jesús ʉ̃rʉ̃mape kẽãsia nanguta do bomatʉta, mawũẽ taukua nʉmaẽdasia.

Marcos 9:26

Mawũãĩ jaira bꞌiape kũrã abꞌaedꞌa wawabipe ãĩ wãsia. Mawũẽ kũrã beudꞌa kĩrãkꞌa tabꞌebʉrʉba biobara beusia asidꞌa.

Marcos 1:26

Mawũãĩ jaibara abꞌaedꞌa urebipe kꞌãbãẽã bꞌiape ãĩ wãsia maʉ̃nebara.

Mateo 17:18

Mobebʉrʉ Jesúsbara jaira kẽãsia, mawũẽ jaira ẽdrʉsia kũrãnebara, izhira aramaʉ̃ta bꞌesia.

Marcos 4:39

Mawũãnaĩ Jesús piradrʉpe nanguta kẽãpe do jedꞌea õbꞌʉa mawũãsia: Chupearua, taurua. Mawũẽ nangura tausia, aramaʉ̃ne jipa taukua nʉmaẽdasia.

Lucas 4:23

Maʉ̃nerã Jesúsbara mawũãsia: Jarabadata marãbara mʉãã mawũãnaña: Zhãrã bꞌebibari, bʉzhikusa zhi bꞌebirua. Capernaúm pʉwʉrʉdꞌe ne bio odꞌata daiba ũrĩnapeadꞌata namabidꞌa odua bʉzhi druadꞌe.