Lucas 3:8 - Porciones del Nuevo Testamento

⁸ Mawũẽ dajada kꞌazhiruara ãmape bꞌeta Daizezeta pẽwã bꞌeaudua. Mazhi sobitabaiba Daizezebara pua kꞌawua o ẽãta jarabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Lucas 3:8 Referans Kwoze

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Mateo 21:43

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.

Romanos 9:7

Abrahamneba urura Daizezema jõmarã Abraham warrarã ẽã, maʉ̃neba izhara mawũãsia: Bʉ warrarã nʉmaña Isaacdꞌeba.

Romanos 4:16

Maʉ̃neba Daizezeba diaita jaradꞌara izhidꞌebemata ĩjã bꞌedꞌeba diaya, aramaʉ̃nerã izhi biaba diaya. Maʉ̃ta Abraham warrarãnebema jõmaʉ̃ĩta nʉmʉã. Bari Moisé ũrãgꞌadꞌe bꞌeitabema ẽã, awuarabʉrʉ Abrahamne kĩrãkꞌa ĩjãbʉdaitabema, aramaʉ̃ne izhira dazhirã jõmaʉ̃ zezea.

Lucas 19:40

Mawũãnaĩ izhara panaʉ̃ mawũãsia: Mʉã marãã jaraya, naʉ̃rãta chupeadꞌara, waya mongꞌarata bꞌʉgadrʉdꞌaya.

Juan 8:33

Mawũãĩ panaʉ̃ mawũãsidꞌa: Daira Abrahamneba uruta bꞌea, mawũẽ daira nezokꞌata duanu ẽã. ¿Sãwũã maʉ̃ta bʉara ẽdrʉdꞌaya abʉrʉ?

Juan 8:39

Mawũãĩ panaʉ̃ mawũãsidꞌa: Dai zezea Abrahamta. Mawũãnaĩ Jesúsbara mawũãsia: Marãta Abraham warrarãbʉrʉ, Abrahamba odꞌata okꞌausidꞌa.

Mateo 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua.

Mateo 3:9

Mazhi sobitabaiba Daizezebara pua kꞌawua o ẽãta krĩchabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Lucas 5:21

Maʉ̃nerã ũrãgꞌa Moisédꞌe jarabadara fariseorã bawara krĩcha mawũãsidꞌa: ¿Naʉ̃ kꞌaipe mawũã Daizezema mitia bedꞌeaira? ¿Kꞌazhiruata biodꞌebara zhãrã kꞌaiba bedꞌea ne ẽã bꞌʉ bꞌeipe? Awuarabʉrʉ bꞌeya Daizezebʉrʉ.

Lucas 13:25

De zhibarita piradrʉpe puerta serrabʉrʉdꞌe marãta ewaradꞌe duanerã marãbara puerta kꞌaita trʉ̃ mawũãnaña: Nokꞌó, daira ewadua. Mawũãnaĩ izhara panaʉ̃ mawũãña: Mʉãrã kꞌawua ẽã marã sãmabemata.

Lucas 13:26

Mawũãĩ marãbara mawũãnaña: Daira bʉ bawara nekꞌosidꞌa, baniã dosidꞌa, bʉra dai pʉwʉrʉdꞌe miã ũrãgꞌasia.

Lucas 14:9

marã trʉ̃nabara zepe mawũãña: Kꞌãma naʉ̃ta jewedꞌabirua. Mawũãĩ bʉra peradꞌe jewedꞌaya zhi zroma ẽãta jewedꞌabari maẽ.

Lucas 19:9

Mawũãĩ Jesúsbara mawũãsia: Naʉ̃ dedꞌabema idꞌi ẽdrʉbʉda naʉ̃sidꞌa Abrahamneba uruta bꞌʉba.