Lucas 24:6 - Porciones del Nuevo Testamento

⁶ Nama ne ẽã, awuarabʉrʉ beudꞌata piradrʉsia. Bude baudua marãã jaradꞌata wadꞌi bꞌasidꞌe Galileadꞌe.

Lucas 24:6 Referans Kwoze

Lucas 9:22

mawũãsia: Mʉ Beubari Bape bꞌʉra ne biodꞌe zuburiaya, seribidꞌa ẽbaya nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Aramaʉ̃ne beabʉdadꞌera piradrʉya ewari ũbeadꞌe.

Marcos 8:31

Jesúsbara jarakꞌasia izhi Beubari Bape bꞌʉra biodꞌe zuburiai barata, seribidꞌa ẽbaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 28:6

Nama ne ẽã, izha jaradꞌa kĩrãkꞌa beudꞌata piradrʉsia. Zeudua, akaudua Nokꞌo tabꞌʉdꞌapeadꞌata.

Lucas 9:44

Bude badꞌaita mʉã jaraita bia ũrĩũdua. Mʉ Beubari Bape bꞌʉra chãbꞌaridꞌaya zhãrã juwuadꞌe.

Mateo 27:63

mawũãsidꞌa: Nokꞌó, daibara bude basidꞌa jari sewa nebʉrʉmiãbara zokꞌai bꞌasidꞌera mawũãsia: Mʉrã ewari ũbeadꞌe beudꞌata piradrʉya.

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Marcos 16:6

Mawũẽ maʉ̃bara mawũãsia: Perarãũdua, marãbara jʉrʉ panʉã Jesús Nazaredꞌebema cruzdꞌe kꞌachidꞌapeadꞌata. Beudꞌata piradrʉsia, nama ne ẽã. Akaudua izhi tabꞌʉdꞌapeadꞌata.

Lucas 24:5

Wũẽrãrã perabʉdaba kĩrã bꞌarrudꞌai mawũãsidꞌa: ¿Kꞌãrẽã beuwãrã maẽ jʉrʉ panʉ zokꞌai bꞌʉra?

Lucas 24:34

Maʉ̃rãbara mawũãsidꞌa: Wãrĩnu Nokꞌora beudꞌata piradrʉsia. Zhi ũdubisia Simoũã.

Hechos 2:24

Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.