Lucas 24:27 - Porciones del Nuevo Testamento

²⁷ Mobebʉrʉ Moiséba bꞌʉdꞌadꞌeba, Daizezeba bedꞌeata jarabibarirãba bꞌʉdꞌapeadꞌadꞌeba sãwũãta bia jarakꞌasia. Maʉ̃nerã zhi bꞌʉma jõmaʉ̃neba jarasia izhidꞌebemata jara tabꞌeta.

Lucas 24:27 Referans Kwoze

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Juan 5:39

Daizeze bedꞌeata zhi bꞌʉmarã marãbara kĩrãkuita estudia bꞌea, mazhima maʉ̃neba erubꞌeba Daizeze ũme bꞌai jõ ẽãta, mawũã zhi bꞌʉmabara jara bꞌʉa mʉnebemata.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Lucas 24:25

Mawũãnaĩ Jesúsbara mawũãsia: ¡Marã krĩcha ne ẽã bꞌea, marãbara sodꞌebara ĩñabasia jõma ĩjãĩta duanu ẽã Daizezeba bedꞌeata jarabibarirãba jaradꞌapeadꞌara!

Hechos 7:37

Maʉ̃ Moisébara Israelirãã mawũãsia: Nokꞌo marã Zhibaribara marã ʉredꞌebemata izha bedꞌeata jarabibarita piradrʉbiya mʉ kĩrãkꞌa. Maʉ̃ bedꞌeara ũrĩũdua.

Hechos 3:24

Daizezeba bedꞌeata jarabibarirã jõmaʉ̃ba Samuel ewaridꞌeuba jarasidꞌa idꞌi ewade kꞌãwũã berabꞌari nʉmaĩsidꞌa.

Hechos 3:22

Dazhirã zhibarirã bꞌeadꞌaa Moisébara mawũãsia: Nokꞌo marã Zhibaribara marãne edꞌauba piradrʉbiya izha bedꞌeata jarabibarita mʉ kĩrãkꞌa. Jõma ũrĩũdua izha marãã jarabʉrʉra.

Marcos 4:34

Mawũã ne jarakꞌa ẽãrã bedꞌea ẽbasia, mawũãmina izha jʉrʉkuadꞌaa jõma bia jarakꞌa bꞌasia dobꞌaʉdꞌe.

Juan 5:37

Mʉ Zeze mʉ zokꞌadꞌabidꞌa mʉnebemata jara bꞌʉa. Marãbara ũrĩnakꞌa izhi nemirã, miã ũdudꞌakꞌa izhira.

Juan 12:41

Isaíabara maʉ̃ta jarasia kꞌãĩmokꞌaradꞌe kĩrãkꞌa ũdudꞌaba Jesús zhi zromata bꞌaita, mawũẽ jarasia izhidꞌebemata.

Hechos 3:18

Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita.

Hechos 8:35

Mawũãĩ Felipebara maʉ̃ta zhi bꞌʉmaneba bedꞌea biata jarasia Jesúsdꞌebemata.