Lucas 21:12 - Porciones del Nuevo Testamento

¹² Mawũãmina maʉ̃ jõmaʉ̃ nawedꞌa marã jidakuadꞌaya, marã zuburia odꞌai kꞌarea pẽwãnaña. Marã chãbꞌaridꞌaya de zhi jʉrebadata nʉme maẽ, cárcel nʉme maẽ. Marã ededꞌaya reyrã kĩrãbita, nokꞌorã kĩrãbita mʉ kꞌarea.

Lucas 21:12 Referans Kwoze

Hechos 22:30

Nrũẽma soldaorã nokꞌota wagꞌaubara bia kꞌawua krĩñasia judíorãbara kꞌãrẽã jirpanʉta, mawũẽ cadena ẽnabisia. Mobe zebidꞌamarẽã jarasia nokꞌorã sacerdoterãta, nokꞌorã wagꞌaurã bawara. Mobe Pablo ãĩ edape kꞌobꞌʉsia ãzhi kĩrãbita.

Hechos 9:4

Mawũẽ egorodꞌe bꞌaebʉrʉdꞌe nemita ũrĩbʉrʉdꞌera izhaa mawũãsia: Saulo, Saulo, ¿bʉa mʉrã kꞌãrẽã pẽwã bꞌʉ?

Hechos 8:3

Maʉ̃nerã Saulobara mebẽrã bĩ ẽã okua nʉmasia. Deza deidꞌu wãpe jidakua nʉmasia zhũmakĩrãrãta, wũẽrãrãta, aramaʉ̃ne edebiga nʉmasia cárceldꞌe edꞌa.

Hechos 5:40

Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa.

Juan 15:20

Bedꞌeata bude baudua mʉã marãã mawũãnata: Nezokꞌara audre zhi zroma ẽã izhi nokꞌo kꞌãñabara. Mʉ zuburia oita pẽwã bꞌedꞌebara, marãsidꞌa zuburia oita pẽwãnaña. Mʉ bedꞌeata aribꞌae bꞌedꞌebara, marã bedꞌeasidꞌa aribꞌaedꞌaya.

Mateo 22:6

Waya ʉ̃kʉrʉbara nezokꞌarãta jirtopota jirachi makenasidꞌa.

Mateo 24:8

Maʉ̃ jõma puata jẽdeba nʉmeña.

Lucas 21:11

Menajacha nʉmeña ẽjũã ureta, baridu maẽ nʉmeña jarrabata puata. Dazhi perata ũdudꞌakꞌa zromata ũdudꞌaya bãjãne.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.