Lucas 2:41 - Porciones del Nuevo Testamento

⁴¹ Zhibarirã añoza Jerusalén pʉwʉrʉedꞌa wã panasia Egiptodꞌeba ẽzoadꞌata krĩcha fiesta obadadꞌe.

Lucas 2:41 Referans Kwoze

Juan 2:13

Ewari araa zebodꞌo basia Egiptodꞌeba ẽzoadꞌata krĩcha judíorãba fiesta obadata, mawũẽ Jesús wãrĩzesia Jerusalén pʉwʉrʉedꞌa.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 11:55

Kꞌaita bata nʉmasia Egiptodꞌeba ẽzoadꞌata krĩcha fiesta obadata judíorãba, mawũẽ fiesta nawedꞌa bio wãrĩzesidꞌa Jerusalén pʉwʉrʉedꞌa, Daizeze kĩrãbita nene ẽã kꞌobꞌaidꞌebemata odꞌai kꞌarea.

Juan 6:4

Maʉ̃nerã ewari araa zebodꞌo basia Egiptodꞌeba ẽzoadꞌata krĩcha fiesta obadata judíorãba.

Lucas 2:42

Mawũẽ Jesús doce año babʉrʉdꞌe Jerusalén pʉwʉrʉedꞌa wãrĩzesidꞌa mawũã wã kꞌawa panʉ baera fiestadꞌe.