Lucas 2:10 - Porciones del Nuevo Testamento

¹⁰ Mawũãmina ángelbara mawũãsia: Perarãũdua, kꞌãbãẽã sobiaidꞌebemata mʉã marãã bedꞌea biata jaraya zhãrã jõmaʉ̃ĩtabemata.

Lucas 2:10 Referans Kwoze

Mateo 28:18

Maʉ̃nerã Jesúsbara ãzhi orrape mawũãsia: Daizezebara zareata mʉãã diasia jõma mʉã erunʉmamarẽã ʉ̃tre nʉmʉta druadꞌe nʉmʉta.

Mateo 14:27

Aramaʉ̃ta Jesúsbara mawũãsia: ¡Wãniguaudua, mʉta taia, perarãũdua!

Lucas 1:30

Mawũẽ ángelbara mawũãsia: María perarãrũã, bʉra Daizezeba bia edabʉrʉa.

Hechos 13:32

Daibidꞌa maʉ̃ bedꞌea biata marãã jara panʉã Daizezeba jaradꞌata dazhirã zhibarirã bꞌeadꞌaa.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Lucas 8:1

Maʉ̃ tẽã Jesús wãsia pʉwʉrʉ zromaza, pʉwʉrʉ zakeza, bedꞌea biata jarakꞌa wãsia Daizezeta Nokꞌodꞌebemata. Kꞌaidꞌu bꞌeasia izha jʉrʉkuadꞌata docera.

Lucas 1:19

Mawũãĩ ángelbara panaʉ̃ mawũãsia: Mʉrã Gabriel Daizeze kĩrãbita bꞌʉta izha bʉ ũme bedꞌeadꞌe zokꞌasia naʉ̃ bedꞌea biata jaradꞌe.

Lucas 1:13

Mawũãmina ángelbara mawũãsia: Zacaría perarãrũã, bʉ zhiwidꞌi bꞌʉra Daizezebara ũrĩsia. Mawũẽ bʉ kĩma Elisawebara wũãwũã zhũmakĩrãta toya, maʉ̃ bʉara trʉ̃ga bꞌʉdua Juanta.

Marcos 1:15

Maʉ̃nerã mawũãsia: Ewarira arabata Daizezeta Nokꞌodꞌebema kꞌaita basia. Mawũẽ kꞌazhiruara ãmape Daizezeta pẽwãũdua, izhidꞌebemata ĩjãũdua bedꞌea biata.

Romanos 10:15

¿Sãwũã jaradꞌaipe jaradꞌe zokꞌakuadꞌa ẽbʉrʉ? Maʉ̃ẽnabemata zhi bꞌʉmata mawũã bꞌʉa: ¡Kꞌãbãẽã kĩrãwãrẽã adu-a bꞌaidꞌebemata jara bꞌera bedꞌea biata!

Marcos 16:15

Mobe mawũãsia: Ẽjũã jõmaʉ̃ maẽ wãũdua, aramaʉ̃ne bedꞌea biata mʉnebemata jõmaʉ̃ã jaraudua.

Mateo 28:5

Maʉ̃ne ángelbara wũẽrãrãã mawũãsia: Marã perarãũdua, mʉãrã kꞌawua bꞌʉa marãbara jʉrʉ panʉta Jesús cruzdꞌe kꞌachidꞌapeadꞌata.

Lucas 2:11

Idꞌi rey David pʉwʉrʉdꞌe tosia zhãrã Ẽdrʉbita, izhira zhãrã ẽdrʉbita Nokꞌoa.