Lucas 18:9 - Porciones del Nuevo Testamento

⁹ Ʉ̃kʉrʉ ãzhikusa biata bꞌeba awʉrʉrãta yarebai eda bꞌedꞌebemata Jesúsbara ne jara mawũãsia:

Lucas 18:9 Referans Kwoze

Lucas 16:15

Mawũẽ Jesúsbara mawũãsia: Zhãrã kĩrãbitara marã biarã kĩrãkꞌa bꞌea, mawũãmina Daizezebara ũdukꞌawua bꞌʉa marã sora. Zhãrãba kꞌãbãẽã ne biadꞌe erubꞌera Daizezebara krĩña ẽã.

Romanos 10:3

Daizezeba sãwũã bedꞌea ne ẽã bꞌʉbarira kꞌawuadꞌa ẽã, mawũẽ ãzha kꞌãrẽ obꞌeba bedꞌea ne ẽã bꞌeaita krĩcha nʉmeba Daizezeba bedꞌea ne ẽã bꞌʉidꞌebemane duanu ẽã.

Romanos 14:10

Mawũẽ bʉara, ¿kꞌãrẽã jara nʉmaĩpe bʉ mebeara? O bʉara, ¿kꞌãrẽã bĩ ẽã jara nʉmaĩpe bʉ mebeara? Dazhira jõma kĩrãbita nʉmeãña Cristoba kꞌawua oi maẽ.

Lucas 7:39

Fariseo Jesús trʉ̃naba maʉ̃ta ũdui izhikusa mawũãsia: Naʉ̃ta Daizezeba bedꞌeata jarabibarita bꞌʉbʉrʉ kꞌawua kꞌausia wũẽrã sãwũã bꞌʉba izhi tõbꞌari kꞌobꞌʉta, kꞌazhirua omiãta bꞌʉta.

Romanos 7:9

Mʉã Moisé ũrãgꞌa kꞌawua ẽã bꞌasidꞌera mʉrã adu-a bꞌasia. Mawũãmina kꞌawuabʉrʉdꞌera mʉãrã kꞌazhiruara wuaabʉrʉ okrĩñasia, mawũẽ mʉrã aduaita beui basia.

Lucas 19:7

Maʉ̃ta ũdudꞌape jõmaʉ̃ba bĩ ẽã jarasidꞌa, ʉ̃nadrʉita deidꞌu wãsi baera kꞌazhirua omiã maẽ.

Lucas 18:11

Fariseora ʉ̃ta nʉmepe zhiwidꞌi ari izhita jara mawũãsia: Daizeze, mʉã bʉaa zhibia jiya mʉrã zhãrã kĩrãkꞌa bꞌʉ ẽãba, zhãrã bꞌea nezrʉgamiãta, bia ẽãta, kĩma ẽãta erukꞌãĩmiãta. Mʉrã miã naʉ̃ za rey Romanebemaĩta plata widꞌibari kĩrãkꞌa bꞌʉ ẽã.

Hechos 22:21

Mʉã mawũãĩ mawũãsia: Wãrũã, mʉã bʉra wawara zokꞌaya judíorã ẽãma.

Juan 9:34

Mawũãĩ panaʉ̃ mawũãsidꞌa: Bʉra jipadꞌe kꞌazhiruadꞌe tosia. ¿Maʉ̃ta bʉabʉrʉ ũrãgꞌaika daita? Mawũãnape jarasidꞌa de zhi jʉrebada maẽ wueta edꞌa wã ẽbamarẽã.

Juan 9:28

Mawũãĩ ikꞌazhirua jaradꞌape mawũãsidꞌa: Bʉabʉrʉ pẽwã bꞌidꞌa, mawũãmina daibara pẽwã bꞌea Moiséta.

Juan 8:48

Mawũãĩ judíorãbara panaʉ̃ mawũãsidꞌa: ¿Kꞌãʉ̃neba bia daibara bʉra Samaria bidꞌata jara panʉta bʉra jaiba erunʉmʉ ẽka?

Lucas 15:2

Mawũẽ fariseorãbara ũrãgꞌa Moisédꞌe jarabadabara jara mawũãsidꞌa: Naʉ̃bara bia eda bꞌʉa kꞌazhirua omiãrãta, nekꞌo bꞌʉa ãzhi bawara.

Lucas 10:29

Mawũãĩ izhara sewa bia widꞌi krĩñape Jesúa mawũãsia: ¿Kꞌaipe mʉ zhãrã?

Romanos 14:3

Ne jõma kꞌo bꞌʉbara bĩ ẽã jaraidꞌe bꞌʉ ẽã ne jõma kꞌo ẽãrã, ne jõma kꞌo ẽãbara ne jõma kꞌo bꞌʉra jara nʉmaĩne bꞌʉ ẽã Daizezeba jidadꞌaba.