Lucas 17:4 - Porciones del Nuevo Testamento

⁴ Bʉta bĩ ẽã onʉmʉta ewaridꞌe kꞌazhiruata oma siete ora, aramaʉ̃ne bʉma ewaridꞌe zema siete zebʉrʉta, wueta mawũã o ẽãta jara dugue nʉmʉnerã bedꞌea ne ẽãne edarua.

Lucas 17:4 Referans Kwoze

Romanos 12:20

Maʉ̃ba bʉ jura bꞌʉta jarra kꞌobꞌʉra nekꞌobirua. Obisia kꞌobꞌʉra baniã dobirua. Mawũã obʉrʉbara bʉta bĩ ẽã odꞌaba peraya. (Proverbios 25:21-22)

Mateo 6:12

Daiba bia ẽãta odꞌadꞌebara daira bedꞌea ne ẽã duanebirua, daiba bedꞌea ne ẽãne edabada kĩrãkꞌa dai bĩ ẽã obʉdata.

Mateo 18:35

Mʉ Zeze ʉ̃tre bꞌʉbara marãta aramaʉ̃ kĩrãkꞌa oya, marã abꞌa abꞌaʉba soidꞌu bedꞌea ne ẽãne edadꞌa ẽbʉrʉ marã mebẽrã marã bĩ ẽã obʉdata.

Mateo 18:16

Mawũãmina bʉ bedꞌeata ũrĩ ẽbʉrʉ, mʉnebemata abꞌa o ũme ededua, aramaʉ̃ne ũmeba o ũbeaba wãrĩnuã adꞌamarẽã bʉa jara kꞌobꞌʉ bedꞌeara jõma.

Mateo 5:44

Waya mʉã marãã jaraya, kʉãgꞌaudua marã jura bꞌera, ibia jaraudua marã ikꞌazhirua jara bꞌera, bia oudua marã jura bꞌera, zhiwidꞌiudua marã zuburia obꞌebarira.

Lucas 17:5

Izha jʉrʉkuadꞌabara Jesúa mawũãsidꞌa: Daira soidꞌu bꞌeabirua.