Lucas 17:2 - Porciones del Nuevo Testamento

² Mawũẽ biga bakꞌausia osidaudꞌe yuta tãjʉ̃nape bꞌaribuedꞌaita pusadꞌe, abꞌa kꞌazhiruadꞌe bꞌaebii kꞌãñabara mʉnebema ĩjã bꞌe za wĩka kedꞌeta.

Lucas 17:2 Referans Kwoze

Marcos 9:42

Bariduba abꞌa kꞌazhiruadꞌe bꞌaebibʉrʉta za zhi zromarã ẽãta mʉnebema ĩjã bꞌeta mawũã ora, maʉ̃ Daizezebara pua kꞌawua oya. Mawũẽ biga bakꞌausia osidaudꞌe yuta tãjʉ̃nape bꞌaribuedꞌaita pusadꞌe.

Mateo 18:14

Aramaʉ̃ kĩrãkꞌa marã Zeze ʉ̃tre bꞌʉbara krĩña ẽã iabꞌa aduaira za wĩka kedꞌeta.

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 26:24

Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.

Juan 21:15

Nekꞌodꞌa tẽã Jesúsbara Simón Pedroa mawũãsia: Simón Jonás warra, ¿bʉa mʉrã audre kʉãgꞌakꞌa naʉ̃rãne kꞌãñabara? Mawũãĩ panaʉ̃ mawũãsia: Ããjã Nokꞌó, bʉa kꞌawua bꞌʉa mʉã bʉra kʉãgꞌata. Mawũãĩ mawũãsia: Jʉredua mʉ pẽwã bꞌeta.

Mateo 17:27

Mawũãmina bĩ ẽã duana ẽbamarẽã wãrũã do jedꞌea õbꞌʉidꞌu, mobe bꞌeda gadua, bʉa bꞌeda naara jiraedabʉrʉta itoebꞌaribʉrʉdꞌe yedꞌa ũduya platata, maʉ̃ta jiraedape maʉ̃ba pagꞌadua impuesto mʉrẽta bʉreta.