Lucas 16:30 - Porciones del Nuevo Testamento

³⁰ Mawũãĩ izhara mawũãsia: Bari maʉ̃bara ũrĩna ẽã Zeze Abraham, mawũãmina beudꞌata iabꞌa piradrʉpe ãzhima wãrã, kꞌazhiruara ãmape Daizezeta pẽwãnaña.

Lucas 16:30 Referans Kwoze

Lucas 16:24

Mawũẽ izhara nemi jĩgua mawũãsia: Zeze Abraham, mʉrã sozuburiarua, Lázarota zokꞌadua juwua jĩwĩni baniãne ũ edape mʉ kĩrãme kũrãdrʉdꞌe zemarẽã. Mʉrã zuburia nʉmʉã naʉ̃ tebʉdꞌe.

Lucas 13:5

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua. Mazhi sobitabaiba Daizezebara pua kꞌawua o ẽãta jarabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Lucas 13:3

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 16:31

Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta ũrĩna ẽbʉrʉ, ĩjãna ẽbaya iabꞌa beudꞌata piradrʉbʉrʉsidꞌa.

Lucas 19:9

Mawũãĩ Jesúsbara mawũãsia: Naʉ̃ dedꞌabema idꞌi ẽdrʉbʉda naʉ̃sidꞌa Abrahamneba uruta bꞌʉba.