Lucas 14:1 - Porciones del Nuevo Testamento

¹ Ẽnaʉ̃bada ewade ewari abꞌa Jesús nekꞌodꞌe wãsia fariseo nokꞌota bꞌʉ dedꞌa. Maʉ̃nerã fariseorãbara kĩrãkuitasidꞌa.

Lucas 14:1 Referans Kwoze

Marcos 3:2

Maʉ̃nerã kĩrãkuitasidꞌa ẽnaʉ̃bada ewade bꞌebii kꞌawuaita, aramaʉ̃ne jidꞌaita.

Lucas 20:20

Mawũẽ zhãrãta zokꞌasidꞌa Jesúa biarã kĩrãkꞌa bedꞌeadꞌamarẽã, aramaʉ̃ne wãẽã bedꞌeabidꞌape chãbꞌaridꞌaita nokꞌo Roma bidꞌata bꞌʉa.

Lucas 11:37

Jesús ma bedꞌeabʉrʉdꞌera fariseo abꞌaʉba jarasia izhi maẽ nekꞌomarẽã. Mawũẽ Jesús deidꞌu wãpe jewedꞌasia nekꞌoita.

Lucas 6:7

Maʉ̃ne ũrãgꞌa Moisédꞌe jarabadaba fariseorã bawarauba kĩrãkuitasidꞌa ẽnaʉ̃bada ewade bꞌebii kꞌawuaita, aramaʉ̃ne jidꞌaita.

Juan 3:1

Fariseorãnebemata bꞌasia Nicodemo abadata, nokꞌota bꞌasia judíorãnebemata.

Hechos 5:34

Maʉ̃ne nokꞌorã wagꞌaurãneba piradrʉsia fariseo Gamaliel abadata Moisé ũrãgꞌadꞌe bigauta zhãrã jõmaʉ̃ba wawideta. Maʉ̃bara jarasia aritiaedꞌa ãĩ ededꞌamarẽã Jesúsba zokꞌakuadꞌara.

Mateo 12:12

¿Maʉ̃ne zhãrã audre vale bꞌʉ ẽka oveja kꞌãñabara? Mawũẽ biara oidꞌe bꞌʉa ẽnaʉ̃bada ewadera.

Lucas 14:2

Maʉ̃ne izhi kĩrãbita bꞌasia ũmakĩrã oroba kꞌaya bꞌʉta.

Lucas 17:20

Fariseorãbara Jesúa widꞌisidꞌa Daizezeta Nokꞌodꞌebema sõmbedꞌe zeita, mawũẽ panaʉ̃ mawũãsia: Daizezeta Nokꞌodꞌebema ze ẽã dajada ũdu.