Lucas 13:1 - Porciones del Nuevo Testamento

¹ Maʉ̃ ewadera ʉ̃kʉrʉ mama kꞌopanʉbara Jesúa nebʉrʉsidꞌa Galilea bidꞌarã sãwũã berabꞌaridꞌata, Pilatoba beabigasia, mawũẽ maʉ̃rã wara poerasia ãzha nendʉwʉrʉ Daizezeita ba kꞌobꞌe wa ũme.

Lucas 13:1 Referans Kwoze

Hechos 5:37

Maʉ̃ tẽã piradrʉsia Juda Galileadꞌebemata, maʉ̃ ewadera zhãrã juacha jirpanasia. Maʉ̃bara izhi bawara erunʉmesia zhãrã bio. Maʉ̃sidꞌa beasidꞌa, mawũẽ izhi bedꞌeata aribꞌae bꞌeadꞌara jõma jãrãzoasia.

Mateo 27:2

Mawũẽ juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.

Mateo 27:1

Ʉ̃nadrʉbʉrʉdꞌera jõma sacerdoterã nokꞌorãta nokꞌorã pʉwʉrʉdꞌebemata Jesú ʉ̃rʉ̃ bedꞌeasidꞌa chãbꞌaridꞌaita beadꞌamarẽã.

Hechos 1:11

Maʉ̃rãbara mawũãsidꞌa: Galilea bidꞌarã, marãbara, ¿kꞌãrẽã ʉ̃taa akʉ kꞌobꞌe? Kꞌãʉ̃ Jesús Daizezeba marã maẽba ʉ̃taa edebʉrʉra, kꞌãʉ̃ abꞌaʉta kꞌãwũã zeya mazha ũdubʉda kĩrãkꞌa ʉ̃taa wãbʉrʉta.

Hechos 2:7

Mawũẽ ãzhara bia akʉdrua mawũãsidꞌa: Akaudua, ¿Galileadꞌebema ẽka naʉ̃rã jõma za bedꞌea kꞌobꞌera?