Lucas 11:42 - Porciones del Nuevo Testamento

⁴² ¡Daizezebara pua kꞌawua oya marã fariseorãta bꞌera! Marãbara menta kiduata, ruda kiduata, ne udꞌebema kiduata diez bꞌʉabʉdaza abꞌa Daizezea diabada. Mawũãmina zhãrã kĩrãẽpa bia edadꞌa ẽã, miã Daizezera kʉãgꞌadꞌa ẽã. Maʉ̃ne maʉ̃trʉ aribꞌaedꞌaidꞌe bꞌʉa, ne wuaabema kenabꞌari ẽã aribꞌae bꞌedꞌe.

Lucas 11:42 Referans Kwoze

Mateo 23:23

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Marãbara menta kiduata, eneldo kiduata, cominota diez bꞌʉabʉdaza abꞌa Daizezea diabada. Mawũãmina audre aribꞌaei bꞌʉra aribꞌaedꞌa ẽã Daizezeba ũrãgꞌa Moiséa diadꞌadꞌe jara bꞌʉra zhãrã sãwũã edai bꞌʉdꞌe edaita, zhãrã sozuburiaita, Daizezedꞌebema ĩjãĩta. Maʉ̃ne maʉ̃trʉ aribꞌae duanaĩne bꞌʉa wuaabema kenabꞌari ẽã aribꞌae bꞌedꞌe.

Lucas 18:12

Mʉrã nekꞌo ẽã zhiwidꞌi bꞌidꞌabaria, maʉ̃ta semanane oma ũme obaria, diez bꞌʉta abꞌa bʉaa dia bꞌʉa jõma mʉã jidabʉrʉra.

Mateo 23:27

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ beuwãrã joudꞌapeadꞌa totroa nʉme kĩrãkꞌa bꞌea, ʉ̃rʉ̃rã wãrĩnu bi-ia nʉmeã, mawũãmina edꞌara beudꞌa bꞌʉwʉrʉba bira nʉmeã, mitia nʉmeã.

Juan 5:42

Maʉ̃ẽnabema mʉã marã ũdukꞌawua bꞌʉa, marãbara Daizezera kʉãgꞌadꞌa ẽã.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.