Lucas 11:41 - Porciones del Nuevo Testamento

⁴¹ Zuburia bꞌea diaudua mazha ne erubꞌedꞌebemata, mobedꞌeba marã jipadꞌe mitia ne ẽã bꞌeaya.

Lucas 11:41 Referans Kwoze

Lucas 12:33

Mazha ne erubꞌera nendodꞌape zuburia bꞌea diaudua. Mawũãrã zũbi soreakꞌadꞌe ne biata ʉ̃tre tʉdꞌaya jõkꞌata. Maĩnurã nezrʉgamiã jũẽ ẽã, miã zhi muĩba ãrĩ ẽã.

Hechos 10:15

Bedꞌea kꞌobꞌʉra bedꞌeama ũmeta mawũãsia: Daizezeba nene ẽã obʉrʉta bʉa ne mitia arãrũã.

Lucas 16:9

Mʉã marãã jaraya: Marãbidꞌa zhãrã marã bawara zhibiarãta oudua mazha ne erubꞌeba, plata erubꞌeba, mawũãrã maʉ̃ jõbʉrʉdꞌera bꞌaribidꞌaya Daizeze ũme bꞌai jõ ẽã maẽ.

Lucas 19:8

Maʉ̃ne Zaqueo ʉ̃ta nʉmepe Nokꞌo Jesúa mawũãsia: Nokꞌó, mʉã ne erubꞌʉta ẽsadra diaya zuburia kedꞌea, mʉã ne iabꞌaʉdꞌeta zrʉgasibʉrʉ jẽrũya diaya kĩmarẽ.

Lucas 18:22

Maʉ̃ta ũrĩĩ Jesúsbara mawũãsia: Bʉara wadꞌi ne abꞌa aribꞌaeita wãẽã bꞌʉa. Bʉa ne erubꞌʉta jõma nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Mateo 5:42

Iabꞌaʉba kꞌãrẽta widꞌira diadua. Iabꞌaʉba ne presta widꞌira dia ẽã nʉmarãrũã.

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.

Mateo 26:11

Zuburia bꞌera marã bawara ewariza bꞌeaya, mawũãmina mʉrã marã bawara ewariza bꞌa ẽã.

Hechos 24:17

Mʉrã drua ãĩ año ʉ̃kʉrʉ nimibape plata diadꞌe zesia mʉrãta zuburia bꞌea, dewara Daizezea diadꞌe zesia nendʉwʉrʉta.

Marcos 7:19

¿Mawũã bꞌʉ ẽka edꞌa wã ẽãba dazhi sodꞌe, awuarabʉrʉ bꞌitaedꞌa wãpe ãĩ wã bꞌʉ ẽka? Mawũã jarabʉrʉbara jarasia jõma nene ẽãta zhikora.