Lucas 10:36 - Porciones del Nuevo Testamento

³⁶ ¿Maʉ̃rã ũbeadꞌebemabara bʉma sãʉ̃ba ãzhi zhãrãta bꞌasi nezrʉgamiãrãba jidadꞌapeadꞌara?

Lucas 10:36 Referans Kwoze

Lucas 7:42

Ãzhara kꞌãrẽba pagꞌaita ne ẽãba ãzhi ũmewedꞌa bedꞌea ne ẽã panʉsia deweta panʉta. ¿Kꞌõbe bʉa mʉãã jaradua, plata prestadꞌara ãzhidꞌebemabara sãʉ̃ba audre kʉãgꞌaipe?

Mateo 22:42

mawũãsia: ¿Marã sãwũã krĩcha bꞌe zhãrã Ẽdrʉbii ʉ̃rʉ̃rã? ¿Kꞌaidꞌeba zeipe? Mawũãĩ mawũãsidꞌa: Rey Davidꞌeba zeya.

Mateo 17:25

Mawũãnaĩ Pedrobara mawũãsia: Pagꞌabaria. Mawũãpe izhi deidꞌu wãbʉrʉdꞌera Jesús naara bedꞌeabʉrʉta mawũãsia: ¿Simón, bʉma sãwũãpe? ¿Reyrãta druadꞌe bꞌebara impuesto kꞌairãneta widꞌibada, ãzha jʉre bꞌea widꞌibadakꞌa o ãĩbemaneta widꞌibada?

Lucas 10:35

Nrũẽma izhi wãba plata ewari ũme erbꞌaribʉrʉta denario ũme erbꞌaripe de zhibaria diabʉrʉta mawũãsia: Naʉ̃ta akʉdua. Jõma bʉa audre gastabʉrʉra mʉã pagꞌaya mʉ wakusa zebʉrʉdꞌe.

Lucas 10:37

Mawũãĩ izhara mawũãsia: Zhi sozuburiadꞌaba. Mawũãĩ Jesúsbara mawũãsia: Wãpe bʉabidꞌa abꞌarika odua.