Lucas 10:35 - Porciones del Nuevo Testamento

³⁵ Nrũẽma izhi wãba plata ewari ũme erbꞌaribʉrʉta denario ũme erbꞌaripe de zhibaria diabʉrʉta mawũãsia: Naʉ̃ta akʉdua. Jõma bʉa audre gastabʉrʉra mʉã pagꞌaya mʉ wakusa zebʉrʉdꞌe.

Lucas 10:35 Referans Kwoze

Lucas 14:13

Maʉ̃ba bʉa zhikota obʉrʉdꞌera trʉ̃rũã zuburia bꞌeta, juwuata o jẽrũta dorrabꞌari bꞌeta, wã bꞌe ẽã bꞌeta, daʉbꞌerrea bꞌeta.

Romanos 16:23

Marãã saludo diabuea Gayoba, mʉrã izhi dedꞌa bꞌʉkꞌãrĩã, izhi dedꞌa zhi jʉrebibaria mebẽrãsidꞌa jõma. Marãã saludo diabuea Erastoba, izhira plata naʉ̃ pʉwʉrʉdꞌebema wuagꞌabaria, saludo diabuea mebea Cuartoba.

Mateo 20:2

Mobe denario abꞌaʉbari ewari abꞌa trajabigaita bedꞌeape zokꞌakuasia izhi uvama.

Mateo 18:28

Mawũãmina nezokꞌa maʉ̃ta wãbʉrʉdꞌera ũdusia abꞌarika nezokꞌata abꞌa izhaa wĩka deweta, mawũẽ ojʉ̃ãbara jidape mawũãsia: Mʉãã dewera pagꞌadua.

Lucas 10:34

Mawũẽ orrape zhara kꞌõgꞌozoadꞌata wuaba pãrĩkuasia, maʉ̃nerã vinoba sʉgʉpe olivo dragꞌaba soasia. Mobe izhi burrodꞌe kꞌobꞌʉpe edesia odꞌe wã nʉmʉta kꞌãĩbadaidꞌu, aramaʉ̃ne akʉsia.

Lucas 10:36

¿Maʉ̃rã ũbeadꞌebemabara bʉma sãʉ̃ba ãzhi zhãrãta bꞌasi nezrʉgamiãrãba jidadꞌapeadꞌara?