Lucas 10:24 - Porciones del Nuevo Testamento

²⁴ Mʉã marãã jaraya, Daizezeba bedꞌeata jarabibarirã bioba, reyrã bioba ũdu krĩña bꞌeasia mʉã obꞌʉta marãba ũdu bꞌeta, mawũãmina ũdudꞌa ẽbasia. Ũrĩ krĩña bꞌeasia marãba ũrĩ bꞌeta, mawũãmina ũrĩna ẽbasia.

Lucas 10:24 Referans Kwoze

Juan 8:56

Marã zeze Abraham sobiasia mʉ zebʉrʉ ewarita ũdui baera, aramaʉ̃ne ũdusia, mawũẽ sobiasia.

Mateo 13:16

Mawũãmina marãbara mʉã obꞌʉra daubia akʉ bꞌea, marãbara kʉwʉrʉbia ũrĩ bꞌea.

Lucas 10:23

Mobebʉrʉ izha jʉrʉkuadꞌama pʉrʉwape dobꞌaʉdꞌe mawũãsia: Sobia bꞌeaya marãba ũdu bꞌeta ũdu bꞌera.

Lucas 10:25

Ũrãgꞌa Moisédꞌe jarabarita piradrʉpe wãẽãbiita Jesúa mawũãsia: Miã Ũrãgꞌabari, ¿mʉã kꞌãrẽ obʉrʉba jidaipe Daizeze ũme bꞌai jõ ẽãrã?