Juan 9:5 - Porciones del Nuevo Testamento

⁵ Mʉta naʉ̃ ẽjũãne bꞌʉwedꞌara mʉta ʉ̃nata bꞌʉa ẽjũãne bꞌerãĩta.

Juan 9:5 Referans Kwoze

Juan 8:12

Wakusa Jesúsbara zhãrã kꞌobꞌea mawũãsia: Mʉrã ʉ̃nata bꞌʉa ẽjũãne bꞌerãĩta, mʉta pẽwã bꞌʉra pãrĩguadꞌe nimiba ẽã, awuarabʉrʉ ʉ̃nata erubꞌaya Daizeze ũme bꞌai jõ ẽãta.

Juan 12:46

Mʉta ʉ̃nata zesia naʉ̃ ẽjũãẽna, mʉnebema ĩjãbʉdara pãrĩguadꞌe bꞌea ẽbamarẽã.

Hechos 13:47

Dai maʉ̃ kꞌaudꞌa panaĩrã Daizezebara mawũãsia: Mʉã bʉra ʉ̃nata bꞌidꞌapʉa mʉnebemata kꞌawuadꞌamarẽã judío ẽãta bꞌeba, bʉra aramaʉ̃ne ẽdrʉdꞌaidꞌebemata nʉmaña drua jõmaʉ̃ maẽ. (Isaías 42:6; 49:6)

Hechos 26:18

Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.

Mateo 4:16

marã pãrĩguadꞌe bꞌeta Daizezedꞌebema kꞌawuabʉdaba ũdudꞌaya ʉ̃na zromata. Mawũẽ aduaita beuita bꞌeadꞌaitara ʉ̃nata uruzhaya. (Isaías 9:1-2)

Hechos 26:23

Jarasidꞌa zhãrã Ẽdrʉbira beui barata, beudꞌara naara izhita piradrʉita, aramaʉ̃ne Daizeze bedꞌeata ʉ̃nata jaraita judíorãta bꞌea, judíorã ẽãta bꞌea.

Lucas 2:32

Izhira ʉ̃nata bꞌʉba ẽdrʉdꞌaita kꞌawuabigaya judíorã ẽãta bꞌea, aramaʉ̃ne izhikꞌareuba bia trʉ̃poa nʉmaña Israel bʉreta bꞌera. (Isaías 42:6; 49:6)

Mateo 5:14

Marãneba Daizezedꞌebemata ũdu bꞌeba marã ʉ̃nata bꞌea ẽjũãne bꞌerãĩta. Mawũẽ pʉwʉrʉ kꞌatumane ʉ̃rʉ̃ tabꞌʉta merũ bꞌe ẽkĩrãkꞌa bꞌea.