Juan 9:24 - Porciones del Nuevo Testamento

²⁴ Mawũẽ daʉbꞌerrea bꞌadꞌara wakusa trʉ̃nape mawũãsidꞌa: Daizeze kĩrãbita daia wãrãta jaradua. Daibara kꞌawua bꞌea kꞌãʉ̃ kꞌazhirua omiãta.

Juan 9:24 Referans Kwoze

Juan 9:16

Mawũãĩ fariseorã ʉ̃kʉrʉbara mawũãsidꞌa: Kꞌãʉ̃ Daizezedꞌeba nʉmʉ ẽã, mawũẽ aribꞌae ẽã ẽnaʉ̃bada ewarira. Waya awʉrʉrãbara mawũãsidꞌa: ¿Kꞌazhirua omiãbara sãwũã mawũã ũdudꞌakꞌata oipe? Ãzhira aramaʉ̃ne krĩcha abꞌarika ze ẽbasia.

Juan 19:6

Jesús ũdubʉdadꞌera sacerdoterã nokꞌorãbara, Daizeze de akʉbadabara nemi jĩgua mawũãsidꞌa: ¡Cruzdꞌe kꞌachibirua! ¡Cruzdꞌe kꞌachibirua! Mawũãnaĩ Pilatobara mawũãsia: Mazhabʉrʉ cruzdꞌe kꞌachiudua. Mʉma naʉ̃ bedꞌea ne ẽã.

Romanos 8:3

Moisé ũrãgꞌabara ẽdrʉbi bꞌe ẽãba, zharabara ẽdrʉbi bꞌe ẽãba Daizezebara zhi warrata zokꞌasia dazhi kꞌãwũ zharadꞌe kꞌazhirua omiã zadꞌe. Mobe dazhi kꞌazhiruabari beubibʉrʉba kꞌazhiruadꞌebara ẽdrʉbisia, aramaʉ̃ne kꞌazhiruara beasia dazhi kꞌãwũ zharadꞌeba.

Juan 18:30

Mawũãĩ panaʉ̃ mawũãsidꞌa: Naʉ̃ta bia ẽãta obari ẽbʉrʉ daibara bʉaa chãbꞌaridꞌa ẽbakꞌausia.

Juan 16:2

De zhi jʉrebadata nʉme maẽ marã edꞌa wãbidꞌa ẽbaya, ewarita zeya bariduba marã beabʉrʉdꞌera krĩchaita Daizezeba krĩñata obʉrʉta.

Juan 14:30

Ya mʉrã marã bawara bio bedꞌea ẽã ãtõmiãta uru baera naʉ̃ ẽjũãne nokꞌota, izhira zarea ne ẽã mʉ ʉ̃rʉ̃rã.

Juan 8:49

Mawũãnaĩ Jesúsbara panaʉ̃ mawũãsia: Mʉrã jaiba erunʉmʉ ẽã. Awuarabʉrʉ mʉãrã wawia bꞌʉa mʉ Zezeta, maʉ̃ne marãbara mʉrã wawiadꞌa ẽã.

Juan 8:46

¿Marãnebemabara mʉrã kꞌaiba kꞌazhiruata osia aipe? Mʉã wãrãta jara bꞌʉbʉrʉ, ¿marãbara kꞌãrẽã ĩjãna ẽpe?

Juan 5:23

Mawũãtrʉ jõmaʉ̃ba mʉ zhi Warrata wawiadꞌaya mʉ Zeze wawia panʉ kĩrãkꞌa. Mʉ zhi Warrata wawia ẽãbara wawia ẽã mʉ Zeze mʉ zokꞌadꞌata.

Lucas 19:7

Maʉ̃ta ũdudꞌape jõmaʉ̃ba bĩ ẽã jarasidꞌa, ʉ̃nadrʉita deidꞌu wãsi baera kꞌazhirua omiã maẽ.

Lucas 15:2

Mawũẽ fariseorãbara ũrãgꞌa Moisédꞌe jarabadabara jara mawũãsidꞌa: Naʉ̃bara bia eda bꞌʉa kꞌazhirua omiãrãta, nekꞌo bꞌʉa ãzhi bawara.

Lucas 7:39

Fariseo Jesús trʉ̃naba maʉ̃ta ũdui izhikusa mawũãsia: Naʉ̃ta Daizezeba bedꞌeata jarabibarita bꞌʉbʉrʉ kꞌawua kꞌausia wũẽrã sãwũã bꞌʉba izhi tõbꞌari kꞌobꞌʉta, kꞌazhirua omiãta bꞌʉta.

Marcos 15:27

Izhi bawara nezrʉgamiãrã ũme cruzdꞌe kꞌachisidꞌa, abꞌa juwua araare, abꞌa juwua ãkꞌaare.

Juan 9:25

Mawũãnaĩ izhara panaʉ̃ mawũãsia: Kꞌazhirua omiãbʉrʉ mʉãrã kꞌawua ẽã. Awuarabʉrʉ mʉã kꞌawua bꞌʉra mʉrã daʉbꞌerrea bꞌadꞌata ne ũdu bꞌidꞌa.