Juan 7:32 - Porciones del Nuevo Testamento

³² Fariseorãbara ũrĩsidꞌa zhãrã Jesú ʉ̃rʉ̃ mawũã bedꞌea jirpanʉta, mawũẽ sacerdoterã nokꞌorãbara, fariseorã bawarauba Daizeze de akʉbadata zokꞌasidꞌa jidadꞌamarẽã.

Juan 7:32 Referans Kwoze

Hechos 5:26

Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba.

Juan 18:3

Mawũẽ Judabara jʉre edesia soldaorãta, Daizeze de akʉbadata, maʉ̃rã zokꞌasidꞌa sacerdoterã nokꞌorãba, fariseorãba, aramaʉ̃ne mama erbuesia ĩbĩrãẽna, kuchoedꞌa.

Juan 12:19

Mawũãmina fariseorãbara ãzhirãĩnu mawũãsidꞌa: Marãba akʉ bꞌe kĩrãkꞌara dazhirãbara miã kꞌãrẽta obꞌedꞌa ẽã. Akaudua sãwũã jõmaʉ̃ba pẽwã duaĩnata.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 12:14

Mawũẽ fariseorã wãnape krĩcha jʉrʉsidꞌa Jesús beadꞌaita.

Mateo 26:58

Pedrora arajĩga kꞌaidꞌu wãsia sacerdote wagꞌau drogꞌoaidꞌu. Aramaʉ̃ne edꞌa wãpe Daizeze deta akʉbada bawara jewedꞌasia sãwũã odꞌaita akʉita.

Juan 7:30

Mawũãbʉrʉ kꞌarea Jesús jida krĩñasidꞌa, mawũãmina miõba jida ẽbasia wadꞌi araba ẽãba izhi ewarita.

Juan 11:46

Mawũãmina maʉ̃rãnebema ʉ̃kʉrʉra fariseorãma wãpe jarasidꞌa Jesúsba mawũã obʉrʉta.