Juan 7:31 - Porciones del Nuevo Testamento

³¹ Kꞌabanabara bioba izhidꞌebemata ĩjãnape mawũã duanasia: Zhãrã Ẽdrʉbiita zebʉrʉdꞌera, ¿ũdudꞌakꞌara audre oibʉka naʉ̃ba obꞌʉ kꞌãñabara?

Juan 7:31 Referans Kwoze

Juan 12:42

Isaíaba mawũã jarasimina judíorãta nokꞌorãbara bioba ĩjãsidꞌa Jesúsdꞌebema. Mawũãmina ĩjã bꞌea adꞌa ẽbasia wawia bꞌeba fariseorãta, aramaʉ̃ne edꞌa wãbi ẽã nʉmʉna ẽbamarẽã de zhi jʉrebada maẽ.

Mateo 12:23

Mawũẽ zhãrã jõmaʉ̃ba bia akʉdrua mawũãsidꞌa: ¿Naʉ̃ ẽka Nokꞌota rey Davidꞌeba urura?

Hechos 8:13

Izhi Simónbidꞌa ĩjãpe buru kꞌoepe ewariza bꞌasia Felipe ũme. Ũdudꞌakꞌa zromata ototobʉrʉta ũdubʉrʉdꞌera bia akʉ bꞌasia.

Juan 11:45

Mobebʉrʉ judíorã bio María kꞌopayadꞌaita zedꞌapeadꞌabara Jesúsba mawũã obʉrʉta ũdudꞌape ĩjãsidꞌa izhidꞌebemata.

Juan 9:16

Mawũãĩ fariseorã ʉ̃kʉrʉbara mawũãsidꞌa: Kꞌãʉ̃ Daizezedꞌeba nʉmʉ ẽã, mawũẽ aribꞌae ẽã ẽnaʉ̃bada ewarira. Waya awʉrʉrãbara mawũãsidꞌa: ¿Kꞌazhirua omiãbara sãwũã mawũã ũdudꞌakꞌata oipe? Ãzhira aramaʉ̃ne krĩcha abꞌarika ze ẽbasia.

Juan 12:11

Maʉ̃ẽnabema Lázarodꞌeba judíorã bioba ãzhira kenabꞌarisidꞌa, mobe ĩjãsidꞌa Jesúsdꞌebemata.

Juan 6:2

Kꞌabanata izhi kꞌaidꞌu wãsidꞌa ũdudꞌakꞌata ũdu bꞌeta bꞌebiga nʉmʉba kꞌayarãta.

Juan 4:39

Samaria bidꞌarã maʉ̃ pʉwʉrʉdꞌe bꞌebara bioba Jesúsdꞌebema ĩjãsidꞌa, maʉ̃ẽnabema wũẽrãba mawũãsia: Kꞌãʉ̃bara mʉãã jarasia mʉã kꞌãrẽ odꞌata jõma.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Lucas 8:13

Ne ta pobʉrʉdꞌe mongꞌaradꞌe bꞌaedꞌara Daizeze bedꞌeata ũrĩbʉdadꞌera sobia ũrĩbadata maʉ̃ã. Mawũãmina bia kꞌarra jidadꞌa ẽã, mawũẽ ĩjã bꞌeta dããrã ẽãne zuburiabʉdadꞌera ĩjã ẽã kenabꞌaribada.

Juan 4:29

Ũmakĩrãta akʉdꞌe zeudua, jõma jarabʉrʉa mʉã kꞌãrẽ odꞌata. ¿Kꞌãgʉra zhãrã Ẽdrʉbii ẽka?

Juan 7:26

Akaudua, jõmaʉ̃ daidꞌu bedꞌea nʉmʉta kꞌãrẽ jaradꞌa ẽã. ¿Nokꞌorãbara wãrĩnu krĩcha duanu ẽka naʉ̃ zhãrã Ẽdrʉbiita?