Juan 7:23 - Porciones del Nuevo Testamento

²³ Mawũã ẽnaʉ̃bada ewadebidꞌa warra zakera kꞌakua eta kꞌõbada Daizezeba ũrãgꞌa Moiséa diadꞌata aribꞌaedꞌai kꞌarea, ¿maʉ̃ta marã mʉ bawara kĩrũ duanuka ẽnaʉ̃bada ewade mʉã jipa bꞌebibʉrʉba zhãrãta?

Juan 7:23 Referans Kwoze

Mateo 12:5

¿O marãbara ledꞌa ẽã duanuka Daizezeba ũrãgꞌa Moiséa diadꞌadꞌe jara bꞌʉra? Mama jara bꞌʉ kĩrãkꞌara ẽnaʉ̃bada ewade Daizeze dedꞌa sacerdoterãba ne aribꞌae duanurã Daizezema bedꞌea ne ẽã.

Mateo 12:2

Maʉ̃ta fariseorãba ũdudꞌai mawũãsidꞌa: Bʉa jʉrʉkuadꞌabara obʉda ẽnaʉ̃bada ewade oidꞌe bꞌʉ ẽãta.

Mateo 12:10

Mama iabꞌa bꞌasia juwua abꞌa bagu bꞌʉta. Maʉ̃nerã Jesús jidꞌai kꞌarea widꞌi mawũãsidꞌa: ¿Zhãrã bꞌebisia bꞌʉka ẽnaʉ̃bada ewadera?

Juan 5:10

Mawũẽ judíorãbara mawũã bꞌebʉrʉa mawũãsidꞌa: Idꞌira ẽnaʉ̃bada ewaria, mawũẽ bʉzhi ertõ anʉma bꞌe ẽã.

Juan 7:21

Mawũãnaĩ Jesúsbara panaʉ̃ mawũãsia: Ẽnaʉ̃bada ewade mʉã ne abꞌa obʉrʉba marã jõma kꞌawua ẽã krĩcha kꞌobꞌea.

Juan 9:16

Mawũãĩ fariseorã ʉ̃kʉrʉbara mawũãsidꞌa: Kꞌãʉ̃ Daizezedꞌeba nʉmʉ ẽã, mawũẽ aribꞌae ẽã ẽnaʉ̃bada ewarira. Waya awʉrʉrãbara mawũãsidꞌa: ¿Kꞌazhirua omiãbara sãwũã mawũã ũdudꞌakꞌata oipe? Ãzhira aramaʉ̃ne krĩcha abꞌarika ze ẽbasia.