Juan 7:10 - Porciones del Nuevo Testamento

¹⁰ Zhi mebẽrã wãrĩzekuadꞌa tẽãne izhisidꞌa wãrĩzesia fiestaidꞌu, mawũãmina jõmaʉ̃ daidꞌu wã ẽbasia, awuarabʉrʉ wãsia chupea.

Juan 7:10 Referans Kwoze

Mateo 10:16

Mʉã marã zokꞌabʉrʉa ovejarãta zokꞌabʉrʉ kĩrãkꞌa usa pãta bꞌedꞌe edꞌa. Mawũẽ krĩcha bara bꞌeaudua dãma kĩrãkꞌa, adu-a bꞌeaudua pusirã kĩrãkꞌa.

Juan 11:54

Maʉ̃ kꞌarea judíorãne edꞌara Jesús ya dajada nimiba ẽbasia, awuarabʉrʉ mamaʉ̃bara wãsia drua drudrua tabꞌʉ kꞌaita, pʉwʉrʉta Efraín abadaidꞌu wãsia, mobe mama bꞌesia izha jʉrʉkuadꞌa bawara.

Juan 7:5

Mawũãsidꞌa miã zhi mebẽrãbidꞌa izhidꞌebema ĩjãna ẽãba.

Juan 7:3

Mawũẽ zhi mebẽrãbara Jesúa mawũãsidꞌa: Namaʉ̃bara wãrũã Judea druaedꞌa, maĩnu bʉ pẽwã bꞌebidꞌa ũdudꞌamarẽã bʉa obꞌʉta.

Mateo 3:15

Mawũãĩ Jesúsbara panaʉ̃ mawũãsia: Mʉrã buru kꞌoedua, dazhara aramaʉ̃ne Daizezeba krĩñata aribꞌaedꞌaya. Mawũãĩ buru kꞌoesia.

Mateo 12:46

Zhãrã kꞌobꞌea Jesús mawũã bedꞌea nʉmʉne, zhi papata zhi mebẽrãta ewaradꞌe kꞌopanʉta izhaa bedꞌea krĩña kꞌopanasia.

Marcos 3:21

Zhi mebẽrãba ũrĩbʉdadꞌera ededꞌaita zesidꞌa kĩrãne bꞌʉ ẽãta jara bꞌeba.

Juan 7:9

Maʉ̃ta jarakꞌape bꞌesia Galileadꞌe.