Juan 6:64 - Porciones del Nuevo Testamento

⁶⁴ Mawũãmina marã ʉ̃kʉrʉbara ĩjãna ẽã. Jesúsbara mawũã jarasia jẽde wedꞌauba kꞌawua bꞌasi baera kꞌairãba ĩjãna ẽãta, aramaʉ̃ne kꞌawua bꞌasia izhira kꞌaiba chãbꞌariita.

Juan 6:64 Referans Kwoze

Juan 10:26

Mawũãmina marãbara ĩjãna ẽã mʉrẽnebemata duanu ẽbaera mʉã marãã jaradꞌa kĩrãkꞌa.

Romanos 8:29

Na wedꞌauba izha ũdu kꞌawua bꞌʉta bꞌera zhi jʉrʉma zhi Warra Jesús kĩrãkꞌa bꞌeabiita, aramaʉ̃ne izhita Warra nabemata bꞌamarẽã mebẽrã biodꞌe edꞌa.

Juan 6:61

Jesúsbara kꞌawuasia izhi pẽwã bꞌe mawũã bĩ ẽã bedꞌea kꞌobꞌera, mawũẽ mawũãsia: ¿Maʉ̃ bedꞌeabara marã bĩ ẽãbʉdakꞌa?

Juan 5:42

Maʉ̃ẽnabema mʉã marã ũdukꞌawua bꞌʉa, marãbara Daizezera kʉãgꞌadꞌa ẽã.

Hechos 15:18

Mʉta Nokꞌoba maʉ̃ta jarabʉrʉa, mʉãrã maʉ̃ jõma kꞌawuabibʉrʉa ewari dããrã wedꞌauba. (Amós 9:11-12)

Juan 6:66

Mamaʉ̃ba ʉ̃taara izhi pẽwã bꞌebara bioba izhira kenabꞌarisidꞌa, mawũẽ ya izhi bawara erjirana ẽbasia.

Juan 6:36

Mawũãmina mʉã marãã jaradꞌa kĩrãkꞌa, marãbara mʉrã ũdu bꞌemina mʉnebema ĩjãna ẽã.

Juan 8:55

Mawũãmina marãbara izhira ũdukꞌawua duanu ẽã, maʉ̃ne mʉãrã ũdukꞌawua bꞌʉa, mʉã ũdukꞌawua bꞌʉ ẽã ara, sewa nebʉrʉmiã baya marã kĩrãkꞌa, mawũãmina mʉãrã ũdukꞌawua bꞌʉa, mawũẽ mʉãrã izhi bedꞌeara aribꞌae bꞌʉa.

Juan 8:23

Maʉ̃ne Jesúsbara mawũãsia: Marã udꞌabema, mʉrã ʉ̃trebema, marã naʉ̃ ẽjũãnebema, mʉrã naʉ̃ ẽjũãnebema ẽã.

Mateo 10:4

Simón Canaán bidꞌata, Juda Iscariote Jesús chupea jidabidꞌata.

Juan 6:60

Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Juan 18:4

Mawũẽ Jesúsbara izhi sãwũã berabꞌariita kꞌawua kꞌobꞌʉba ãzhi orrape mawũãsia: ¿Kꞌaita jʉrʉ panʉ?