Juan 6:42 - Porciones del Nuevo Testamento

⁴² Maʉ̃nerã mawũãsidꞌa: ¿Naʉ̃ Jesúra José warra ẽka? Zhi Zezera, zhi papara dazhirãbara ũdukꞌawua bꞌea. ¿Maʉ̃ta sãwũã naʉ̃bara izhira ʉ̃treba zedꞌa abʉrʉ?

Juan 6:42 Referans Kwoze

Lucas 4:22

Izhi ʉ̃rʉ̃rã jõma bia bedꞌea duanasia, bia akʉdrua bꞌeta izhira bia miã ũrãgꞌa bꞌʉdꞌeba mawũã duanasia: ¿Naʉ̃ ẽka José warrara?

Marcos 6:3

¿Naʉ̃ ẽka de obarita María waura? ¿Zhi mebẽrã Jacobota, Joséta, Judata, Simónta duanu ẽka? ¿Zhi nawekꞌaurãsidꞌa nama dazhirãne edꞌa duanu ẽka? Aramaʉ̃ne Jesúsdꞌebema ĩjãna ẽbasia.

Juan 6:62

¿Mobera sãwũãnaĩpe mʉ Beubari Bape bꞌʉta ʉ̃taa wãbʉrʉta ũdudꞌara naara mʉ bꞌadꞌama?

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Romanos 9:5

Ãzhira Abrahamneba, Isaacdꞌeba, Jacobodꞌeba uruta bꞌea, ãzhidꞌeba naʉ̃ zharadꞌe zesia Cristora, izhira Daizezeta ne jõmaʉ̃ ʉ̃rʉ̃ bꞌʉa, mawũẽ ewari nʉmʉ jõma ibia jaradꞌaya. Amén.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Juan 3:13

Maʉ̃ kꞌawuaira miõta ʉ̃tre wãrĩzekꞌa, awuarabʉrʉ ʉ̃treba zedꞌaba kꞌawua bꞌʉta mʉ Beubari Bape bꞌʉba kꞌawua bꞌʉa ne ʉ̃trebemarã.

Juan 6:43

Mawũãnaĩ Jesúsbara panaʉ̃ mawũãsia: Bĩ ẽã bedꞌearãũdua.