Juan 6:40 - Porciones del Nuevo Testamento

⁴⁰ Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 6:40 Referans Kwoze

Romanos 6:23

Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.

Juan 6:54

Mʉ zharata kꞌo bꞌʉbara mʉ wata do bꞌʉbara erubꞌʉa Daizeze ũme bꞌai jõ ẽãrã, mawũẽ beudꞌata mʉã piradrʉbiya ewari nʉmʉta jõbʉrʉdꞌera.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Juan 11:25

Mawũãĩ Jesúsbara mawũãsia: Beudꞌara mʉã piradrʉbipe Daizeze ũme bꞌai jõ ẽã bꞌabiya. Mʉnebemata ĩjã bꞌʉra beubʉrʉsidꞌa zokꞌai bꞌaya.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 12:45

Mʉta ũdu bꞌʉbara ũdu bꞌʉa mʉ zokꞌadꞌata.

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 3:36

Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Lucas 2:30

Mʉzhi dabʉba ũdubʉrʉa bʉre zhãrã Ẽdrʉbira.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.

Juan 12:50

Mʉãrã kꞌawua bꞌʉa izha mʉãã jarabi nʉmʉrã izhi ũme bꞌai jõ ẽãnebema. Mawũẽ mʉã jara nʉmʉrã jara nʉmʉã mʉ Zezeba mʉãã jaradꞌadꞌe.

Juan 8:56

Marã zeze Abraham sobiasia mʉ zebʉrʉ ewarita ũdui baera, aramaʉ̃ne ũdusia, mawũẽ sobiasia.

Marcos 16:16

Mʉnebemata ĩjãpe buru kꞌoebʉrʉra ẽdrʉya, mawũãmina zhi ĩjã ẽãrã aduaya.

Juan 14:17

Jawurebiara wãrãnebemata bꞌʉa, mʉnebema ẽãta ẽjũãne bꞌebara izhira jidadꞌaidꞌe bꞌʉ ẽã ũdudꞌa ẽbaera, miã ũdukꞌawadꞌa ẽbaera. Mawũãmina marãbara ũdukꞌawua bꞌea marã bawara bꞌʉ baera, aramaʉ̃ne marãne bꞌaya.

Mateo 10:15

Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Juan 6:39

Mʉ Zeze mʉ zokꞌadꞌabara krĩña bꞌʉa jõma izha mʉãã diabʉrʉra mʉrẽ miõta adua ẽbaita, awuarabʉrʉ krĩña bꞌʉa maʉ̃rãta beudꞌapeadꞌara mʉã piradrʉbigaita ewari nʉmʉta jõbʉrʉdꞌera.

Juan 6:44

Miõta mʉma ze bꞌe ẽã mʉ Zeze mʉ zokꞌadꞌaba webʉrʉ ẽbʉrʉ. Izha webʉrʉtrʉ beudꞌata mʉãrã piradrʉbiya ewari nʉmʉta jõbʉrʉdꞌera.

Juan 11:24

Mawũãĩ Martabara mawũãsia: Mʉãrã kꞌawua bꞌʉa beudꞌata piradrʉita beudꞌapeadꞌata piradrʉbʉdadꞌe ewari jõbʉrʉdꞌe.