Juan 6:33 - Porciones del Nuevo Testamento

³³ Pan Daizezedꞌea mʉta ʉ̃treba zedꞌata, mʉãrã Daizeze ũme bꞌai jõ ẽãta dia bꞌʉa ẽjũãne zhãrã bꞌea.

Juan 6:33 Referans Kwoze

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 8:42

Mawũãnaĩ Jesúsbara mawũãsia: Marã zezeta Daizeze basibʉrʉ, marãbara mʉrã kʉãgꞌa kꞌausidꞌa. Mʉrã Daizeze maẽba zedꞌaba mʉzhikusaudꞌeba ze ẽbasia, awuarabʉrʉ mʉrã izha zokꞌasia.

Juan 16:28

Mʉrã mʉ Zeze maẽba zesia naʉ̃ ẽjũãẽna, mʉãrã naʉ̃ ẽjũãrã ãmaẽña, mʉrã wakusa wãña mʉ Zezema.

Juan 6:50

Mʉrã pan ʉ̃treba zedꞌa, pan mʉta kꞌobʉrʉra adua ẽã.

Juan 6:48

Mʉrã panta Daizeze ũme bꞌai jõ ẽãnebema.

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Juan 3:13

Maʉ̃ kꞌawuaira miõta ʉ̃tre wãrĩzekꞌa, awuarabʉrʉ ʉ̃treba zedꞌaba kꞌawua bꞌʉta mʉ Beubari Bape bꞌʉba kꞌawua bꞌʉa ne ʉ̃trebemarã.

Juan 13:3

Jesúsbara kꞌawua bꞌasia zhi Zezebara ne jõma izhaa chãbꞌaridꞌata, kꞌawua bꞌasia izhira Daizeze maẽba zedꞌadꞌeba Daizezema wãĩta.

Juan 6:32

Mawũãnaĩ Jesúsbara mawũãsia: Mʉã wãrĩnu marãã jaraya: Maʉ̃ pan ʉ̃trebema Moiséba dedꞌeka ẽbasia, awuarabʉrʉ dedꞌekasia mʉ Zezeba. Aramaʉ̃ne mʉ Zezebara dedꞌeka bꞌʉa wãrĩnu pan ʉ̃trebemata.

Juan 6:41

Judíorãbara Jesús bĩ ẽã jarasidꞌa: Mʉrã pan ʉ̃treba zedꞌa, abʉrʉba.

Juan 6:58

Mʉta panta ʉ̃treba zedꞌa. Marã zhibarirã bꞌeadꞌaba maná kꞌodꞌapeadꞌa kĩrãkꞌa bꞌʉ ẽã, mawũã kꞌosidꞌamina beukuasia. Pan mʉta kꞌobʉrʉra Daizeze ũme bꞌai jõ ẽã bꞌaya.