Juan 6:31 - Porciones del Nuevo Testamento

³¹ Dai zhibarirã bꞌeadꞌabara pan maná abadata kꞌosidꞌa drua drudrua tabꞌʉ maẽ, maʉ̃ẽnabemata zhi bꞌʉmata mawũã bꞌʉa: Pan ʉ̃trebemata dedꞌekasia kꞌodꞌamarẽã.

Juan 6:31 Referans Kwoze

Juan 6:49

Marã zhibarirã bꞌeadꞌaba drua drudrua tabꞌʉ maẽ maná kꞌo bꞌeadꞌara bari zhiko basia, mawũẽ kꞌo bꞌeasimina beukuasia.

Juan 6:58

Mʉta panta ʉ̃treba zedꞌa. Marã zhibarirã bꞌeadꞌaba maná kꞌodꞌapeadꞌa kĩrãkꞌa bꞌʉ ẽã, mawũã kꞌosidꞌamina beukuasia. Pan mʉta kꞌobʉrʉra Daizeze ũme bꞌai jõ ẽã bꞌaya.

Juan 6:32

Mawũãnaĩ Jesúsbara mawũãsia: Mʉã wãrĩnu marãã jaraya: Maʉ̃ pan ʉ̃trebema Moiséba dedꞌeka ẽbasia, awuarabʉrʉ dedꞌekasia mʉ Zezeba. Aramaʉ̃ne mʉ Zezebara dedꞌeka bꞌʉa wãrĩnu pan ʉ̃trebemata.